1 Kokoano 16:21 - Ma Jou ai Demo-demo o Totobelohoka

²¹ Masara o Isiraele ma nyawa ko mata-mataikaua iwisanangi o Omirika hiadono ai kokawaaha yoregu hinooto. O regu moi yoigo yomahikoano o Omirika de ma regu moioli ko iwiigoua masara ona ato kiani o Ginata ai ngofaka o Tibini kiani una dika o Isiraele ma nyawa iwigoraka la iwihidadi manga koano ma hungioli.

1 Kokoano 16:21 ပူးပေါင်းရင်းမြစ်များ

1 Kokoano 15:25

De dau o Isiraele ma tonakoka naga o koano ma hungi ai romanga o Nadaba abe ai baba o Yerobeama. De o Nadaba wodadi ai baba ai duruuru ma oraha o Asa wohikoano ngade-ngade ai taongo hinooto ma dekana daku o Yehuda ma tonakoka. De o Nadaba wohikoano ka o taongo hinooto dika ma dekana o Isiraele ma tonakoka.

1 Kokoano 15:28

De o Baesa o Nadaba wihohonenge ma oraha o Asa o Yehuda ma tonakoka wahikoano ngade-ngade ai taongo hange ma dekanino. De naa o Baesali wodadi o koano o Isiraele ma tonakoka.

1 Kokoano 16:20

De mata-mata utu abe ma titi o Simiri ai kuaha, de ai hidee ma dorou ai koano o Elaika, ma ade-ade gea ihitulihukuoka o buku moioka ma romanga, “O Kokoano abe Ihikoano o Isiraele ma Tonakoka manga Ade-ade.”

1 Kokoano 16:22

De ahao o Isiraele ma nyawa manga doomu hinooto gea yomakalawana hiadono yomaketeparangi de ona o Omiri wahihira yolaku. Ho ahao o Ginata ai ngofaka o Tibini gea iwitoma de o Omiri gea unangoli wodadi manga koano.

1 Kokoano 16:29

De o Ahaba, abe ai baba o Omiri, una womulaenge o Isiraele ma nyawa wahikoano ma oraha o Asa, abe daku o Yehuda ma tonakoka, wohikoano genangoka ngade-ngade ai taongo moruange de tufange ma dekanino. De ahao o Ahaba gea o Isiraele ma nyawa wahikoano ai taongo monaoko de hinooto ai dekana de wogogere o koano ma tauoka o Samaria ma kotaka.

1 Kokoano 16:8

De ma oraha gea o Baesa wohonenge adonokali adaene ma oraha o Asa, abe daku o Yehuda ma tonakoka, wahikoano ngade-ngade ai taongo monaoko de butaanga ma dekanino o Isiraele ma nyawa abe yogogere o Yehuda ma tonakoka gea. De o Ela wituruuru ai baba o Baesa ho naa o Ela unangoli wodadi o koano o Isiraele ma tonakoka de ai gogere o Tirisa ma kotaka. De genangoka wahikoano ai kokawaahaika o taongo hinooto ma dekana.

Matiusu 12:25

De o Yesusu wahioriki to ona manga hininga ho Una wapaluhu onangika wato, “Ngini duru niahowonoka nia demoino gea, angamoi to Ngohi ahi kuaha ko o Ibilihi ma haekinoua iboa. De naa tohiketero moi la genangino de ka idadi tinihitararono nginika. Abe nako o koano womatengo de to una ai kokawaaha yomaketeparangi yomahikokoona, de ahao o nyawa gea yomahiketehibinaahaka. Eko o kota moioka eko ngaro o tau moioka de yomaketeliliara hiadono yomakumusu, gea ona ahao yomahiketehipusakoka.