1 Kokoano 16:2 - Ma Jou ai Demo-demo o Totobelohoka

² “Ngona o Baesa ma dihira ko kia-kiaua inidaene ma nyawa, Hoka ani gogere o tonaka ma kafoka de tonigorakiye, De tonihidadi ahi nyawa, o Isiraele ma nyawa, manga koano, Masara ngonaoo naniiki o datoro ma dorou hoka o Yerobeamoli, De ngonaoo naribuutu o Isiraele ma nyawaika la yahowono Ngohino, Hiadono ahi ngamo ifae ahi nyawa manga howonika.

1 Kokoano 16:2 ပူးပေါင်းရင်းမြစ်များ

1 Kokoano 14:16

De hokogea Ma Jou ai nyawa, abe o Isiraele ma nyawa, wahidoaka ona o hohowonika ma titi o Yerobeama ai howono. Abe manga koano wahigaro de waribuutu o Isiraele ma nyawaika la onangoo duru yaniiki ai howono ma datoro.” Hokogea Ma Jou o Yawe ai hohowono ma hingahu o Yerobeamika de to una ai kokawaahaika mangale ma titi manga howono.

1 Kokoano 14:7

Ho ngona noliohi dika de nihingahu ahi demo naa ani rokata o Yerobeamika nato, ‘Ngohi naa ngini o Isiraele ma nyawa nia Jou o Yawe, de igoungu Ngohi naa abe tonigoraka de tonihidadi ahi nyawa manga koano.

1 Kokoano 15:26

Masara o Nadaba gea duru wodiai itorou Ma Jou o Yawe ai himangoka abe waniiki dika to una ai baba ai wowango ma datoro ho unangoo womahuba-huba o popangaoika. De ai howono gea imaketero hoka ai babali, o Yerobeama, abe ma dihira una wahihira-hira o Isiraele ma nyawa ka hiadono to onangoo manga biaha yomahuba o popangaoika de manga howono ma ngoe Ma Jouika.

1 Kokoano 15:34

Masara o Baesa unangoo wodiai abe itotorou Ma Jou o Yawe ai himangoka abe waniiki ma datoro hoka o koano ma dihira o Yerobeamoli. Abe o Baesa unangoo womahuba-huba o popangaoika de o Isiraele ma nyawa wahihira-hira la ona ka yogila-gila dika de manga biaha abe yomahuba o popangaoika ho manga howono ma ngoe Ma Jouika.

Huhupu 32:21

De ahao o Musa wileha ai riakika wato, “Harunu, ka o kia ma titi ona iniribuutu hiadono ngona nahingounu? Abeika, ngona ka de nodiai hokogea de ona duru nahirehene ka hiadono yahowono ma amoko Ma Jouika!” Hokogea o Musa witaere o Harunika.

Matiusu 5:19

“De mangale ma titi to Una ai Pareta duru ikurutiye ho Ngohi tinihitiari moi nginika. De hokonaa tinihitiari tato ngini onagona dika abe niaetongo ai pareta moi ko kia-kiaua ho hiadono ka niatilakuru dika, masara enangoo niahowonoka Unangika. De nagali abe ma oraha niatilakuru ai demo gea de genangino ngini niadotoko de niahigaro o nyawa utuika la hiadono onangoo yatilakuru ma pareta gea, ho genangino de nia howono ka idogo ilamoko. De nako hokogea nia hininga ma datoro, de ahao Ma Jou winietongo ngini gea abe ti ngini nia gogere hatoli itipokouku ma oraha Una wahikoano ai nyawa. Masara abe onagona dika yatobanii-niiki ai pareta mata-mataika de yadotoko utuika la onangoo yatobaniiki enangika, ona gea ahao manga gogere ikurutiye abe ma oraha Una ai nyawa wahikoano.”

Lukasa 1:52

Wahitipokouku o kokoano hiadono manga kaderaka wahigutioka. Masara ona yomahitipokouku, ona gea Ma Jou wagorakiye.

1 Samuele 2:24

Ahi ngofa-ngofaka ibootohi nidiai abe itotorou gea! Abe naga o kalaki ma demo itagi aika aino abe Ma Jou o Yawe ai nyawa inihiade-ade ma titi nia howono.

1 Samuele 2:8

De ona yomanoa o huha ma ngioka wagorakino la waduhunu, De ona yomanoa o hohedu ma ngioka wahihupu genangino, De wahigogere o kokoano manga ngofa-ngofaka manga hidogoronaka, De hiadono yamake o kadera abe de ma horomatioka. Hokogea igoungu Ma Jou o Yawe ai kuaha mata-mataika, Abe o duniaoo igogere Ma Jou o Yawe ai kuahaka.

1 Samuele 26:19

De naa ngohi togahoko la ngona ahi koano nototoihenohi ahi demoino. Abe nako Ma Jou o Yawe wagou-goungu wokarajaanga ani hiningaka la wato ngona nohihohonenge, gea de ahao ngohi tonganono ka idadi o huhuba moi tomahihuba Unangika la Una de ngohi mimahikadameokali. Masara nako hoka o nyawaino dika ma titi hiadono ngona nohihidee nato nohitoma, gea de ahao ngohi tonganono la Una ma hirete wahohowono de wahohonenge onangika. Angamoi ona gea ihikiniiki ngohi naa hiadono kiani tanoaika ma tonaka abe nanga Jou wonahidoakoka ngone ai nyawaino, de gea imaketero hoka ona ihihuloko ato, ‘Ngona nohupu dika ma homoaika de nomahuba-huba o homoa ma nyawa manga jou-jouika!’