1 Kokoano 16:17 - Ma Jou ai Demo-demo o Totobelohoka

¹⁷ Hokogea manga hininga ho manga hidimono o Omiri womaputuhu manga parangi o Filistina ma nyawaika yanoaikahi! De ai tentara wahihira manga kota ma ayoika wato yangika o Tirisaika la o Simiri gea iwihiguti o koano ma kaderaino.

1 Kokoano 16:17 ပူးပေါင်းရင်းမြစ်များ

1 Kokoano 16:16

De o Isiraele manga tentara gea yoihene ma abari abe o Simiri manga koano o Ela witomaka de womagoraka wato o Ela wituruuru la unangoli wodadioka o Isiraele ma nyawa manga koano. Masara ka de ona o tentara yoihene ma abari gea de ko yosanangiua hiadono yoluku o Simiri gea wodadi manga koano. De duru o wange gea dika de o tentara gea de manga hininga moi iwiiriki dika manga tentara ma hidimono womatengo ai romanga o Omiri la ato una dika kiani wodadi manga koano ma hungi.

1 Kokoano 16:18

De o Omiri de ai tentara yaparangi o Tirisa ma kotaika ka hiadono o kota ma amokika yahiparetaka. De ka de o Simiri gea wamake abe ai kota iwioraka de naa ai kota naga o Omiri ai giamoka de una wowohama o koano ma tau duru ma goronaika abe naga genangoka ma ngi abe ka enangohi ma dadaduhu yodiai ma rupa o dadatoko. Ho o Simiri womagogono genangoka de ahao o koano ma tau gea wotufuku ho una de o koano ma tau ka moi womahidutufukoka. Ho igoungu, o Simiri wohikoano o wange tumidi dika de unangoli wohonengoka.

Hihira 9:45

De duru o wange moi gea ma gahumu ona yomakalawana, de ma bahauku o Abimeleke wahikala ma kotaika gea. Abe una wakokitoma ma nyawaika de wahitoropaha ma kota ma tau-tauika. De wahibinaaha ipahaino de ahao ai nyawa ihibarihi o gahi ma tonaka mata-mataika la ato ma kota gea duru ihidadidorouoka.

Hihira 9:50

De ipahaino o Abimeleke ona yoiki o Tebese ma kotaika de yabaata hiadono enangoo yahikala.