1 Kokoano 15:30 - Ma Jou ai Demo-demo o Totobelohoka

³⁰ De hokogea ai behehongo ma hingahu idadi angamoi o Isiraele ma nyawa manga Jou, abe Ma Jou o Yawe, duru wingamo o Yerobeamika ma titi to una ai howono kohangoe abe wodiai Ma Jou ai himangoka. Abe ma titi wahowono Ma Jouika abe o Isiraele ma nyawa duru wahirehene o dorouika hiadono onangoo yahowono ilamoko Unangika.

1 Kokoano 15:30 ပူးပေါင်းရင်းမြစ်များ

1 Kokoano 13:34

De hokogea o Yerobeama ai howono hiadono ona to una ai tauoka de imahikauku ka hiadono yolape-lapeuku Ma Jou wahohowono de o hone-honenge hiadono ma bahaika ona mata-mata wahiofioka o dunia ma lokuino.

1 Kokoano 14:22

De abe ma oraha o Rehabeama wahikoano o Yehuda ma nyawa de ona gea yodiai duru itorou Ma Jou ai himangoka. Abe nako hahidotelega to ona manga totofora manga howono de to ona gea manga howo-howono de ka onangohi manga datoro duru iwihihuha Ma Jou ai hininga hiadono ai ngamo ihidafaeiye.

1 Kokoano 15:26

Masara o Nadaba gea duru wodiai itorou Ma Jou o Yawe ai himangoka abe waniiki dika to una ai baba ai wowango ma datoro ho unangoo womahuba-huba o popangaoika. De ai howono gea imaketero hoka ai babali, o Yerobeama, abe ma dihira una wahihira-hira o Isiraele ma nyawa ka hiadono to onangoo manga biaha yomahuba o popangaoika de manga howono ma ngoe Ma Jouika.

1 Kokoano 16:13

De mata-mata gea idadi onangika mangale ma titi o Baesa de ai ngofaka o Ela manga howono duru kohagiria de hiadono o Isiraele ma nyawaoo yahirehene la yomahuba-huba o popangaoika. Hokogea onangoo manga howono duru ma amoko Ma Jou o Yaweika abe o Isiraele ma nyawa manga Jouika yahowono hiadono ai dohata duru ifae manga howonika gea. De manga howono duru ihititi o popangaoka abe duru parahaja dika yomahinganono enangika.

1 Kokoano 21:21

De o Elia wihiree-reeika, wato, “De Ma Jou o Yawe ahao wohiboa o hibinaaha ngonaika hiadono ngona nohonenge. De ona ani tauoka ngaro ani ngofaka o nauru idodutu eko o nau-nauru abe nomaijaino masara ko moiua abe Ma Jou ai hibinaaha ma hohowono ko yadaenua onangika. Ho o nau-nauru ko moiokaua yogogere ani tauoka o Isiraele ma tonakoka.