1 Kokoano 15:20 - Ma Jou ai Demo-demo o Totobelohoka

²⁰ De o Bene-Hadada wosanangi o Asa ai behehongika ho to una ai tentara wahuloko yaparangi o Isiraele ma nyawaika. De ona yaparangi o Isiraele ma nyawa manga kota-kotaika hiadono yahikala manga kota iata abe o Iyono ma kota, o Daana ma kota, de o Abe-Bete-Maaka ma kota, de o Kineroto ma kota. Ho naa o kota iata gea de manga tonaka mata-mata imanoa o Bene-Hadada ai giamoka de o Nafatali ma nyawa to onangoo manga tonaka ma gahumu enangoo ai kuahaka imanoa naa.

1 Kokoano 15:20 ပူးပေါင်းရင်းမြစ်များ

1 Kokoano 12:29

Ho o hapi ma ngofaka abe o gurasino moi wateruiye to ena ma ngioka o Betele ma kotaka abe itigi manga tonaka ma dobikiye. De ahao ma dodiawo imakadaene ma rupa wateruiye to ena ma ngioka abe manga tonaka ma dobikuku o Daana ma kotaka.

1 Kokoano 20:1

De o wange moiuku o koano o Bene-Hadada abe una wohikoano o Arama ma tonakoka to una ai tentara wakokitoomuino. Ho gea yomatoomuino de nagali abe yoboa iwiduhunu o Arama ma kota-kotaino manga kokoano yamoruange de yahinooto. De ma kokoano gea naga de to ona manga kuda de manga parangi ma gogoroba kohangoe. De o Bene-Hadada de ai tentara mata-mata ona yokokisobo yoiki o Isiraele ma nyawa manga tonakika la ato o Samaria ma kotaika yaparangi de manga buturungu.

1 Kokoano 20:34

De o Bene-Hadada wodoaiye de yomakoketemo de una wihingahu o Ahabika, wato, “Ahi gianongoru, ngohi tomahidiaioka tohigilio ani kuahaika o kota-kota mata-mataika abe ma dihira ahi baba wiora ani babaino. De utuohi tonihibehehongo, ka idadi to ngona ani nyawa abe to ona manga biaha yotobafuku-fukunu o kiahonanga o paharoka, ka idadi yoboa ahi kota o Damasikino. De ona ahao ka idadi to ngomi mia paharoka yomahiaturu manga ngi homoi-homoiika abe genangoka ka idadi manga kiahonanga yofuku-fukunu. Abe ma dihira to ngohi ahi babali hokogea wohiaturu la to una ai nyawa yotobafuku-fukunu o kiahonanga to ngona ani kota o Samaria ma goronaka.” Ka de gea woihene de o Ahaba wato, “Irahai ani demo gea, abe ani behehongo ka hokogea de ngohi ka idadi tonihiluasa ani boditoino.” Ho ahao ona yahinooto yomahiketehibehehongo abe yomakadameoka o Isiraele ma nyawa de o Arama ma nyawa. De gea ngaro o Bene-Hadada wokalaka o parangioka masara ai bodito ko iwidaenokaua.

Yosua 11:2

De nagali wohidingoto ai hurata o kokoanoika abe yahikoano o loku-lokuoka daukuku, de o kokoanoika abe yahikoano o Yorodani ma dolaka daku o Galilea ma tonaka ma honongaka, de o kokoanoika abe yahikoano o Galilea ma loku-lokuoka. De o kokoano abe yahikoano manga kokawaaha o Gogoronaka ma gahi ma ngigorino abe itigi-tigino de o Doro ma kota, onangikaoo wohidingoto ai hurata.