1 Kokoano 14:4 - Ma Jou ai Demo-demo o Totobelohoka

⁴ Ho una womihuloko ibooto de ngoi fekata gea duru mihingounu ai demoika ho moiki o Silo ma kotaika de mitutumu o Ahiaika. De o Ahia una gea iwiperekioka de ko womahiorikokaua.

1 Kokoano 14:4 ပူးပေါင်းရင်းမြစ်များ

Dodadi 27:1

De ipaha o Isaka iwiperekioka de ai lako ko iwaka ma buturungu hiadono ko womahiorikokaua ho worafi. De o wange moiuku ai ngofaka o riaka wiahokino ho o Esau woboaino de o Isaka wato, “Ahi ngofaka.” De o Esau wopaluhu wato, “Iya baba, ngohi naga.”

1 Kokoano 11:29

De o wange moiuku abe ma oraha o Yerobeama ai tagongo waso de una wohupu o Yerusaleeme ma kotaino de wotagi waniiki o ngekomo ma hoanika. De ai dodagi gea ma goronaka naga womatengo woboaino Ma Jou ai uru ma dodofanga ai romanga o Ahia abe una o Silo ma kotaino. De ona yomakamake o ngekomoka abe duru o tonaka ma gupaka de o nyawa utu genangoka ko yaiwa. De o Ahia gea womahinoauku de o baju ma hungi abe ena gea ma guru-gurutuku.

1 Kokoano 14:2

Ho o Yerobeama womihuloko ngoi fekatika wato, “Ngona kiani nomahinoauku de o ngofeka momatengoli ami pakeanga de nomaturuuru ani rupa la ufa o nyawa inihioriki abe ngona to ngohi ngohi fekata. Nomaturuuruohi de ahao noiki o Silo ma kotaika la ka idadi nitutumu Ma Jou ai uru ma dodofanga o Ahia ai tauoka. Abe una gea ma dihiraino de wohihingahu wato ngohi ahao todadi o koano nanga tonakoka naa.

Higalioli 34:7

De ngaro ma oraha o Musa wohonenge duru iwiperekioka, abe ai ngumuru adonoka ai taongo o ratuhu moi de monaoko, masara nako ai lako duru ka idodonohi de una de ai buturungokahi ka hiadono ai ngomaha itoaka.

1 Samuele 3:2

De ma oraha gea o Eli ai lako imulaenge ihomu-homu ho ko itararonokaua womahioriki. De o futu moiuku una womaiduoka to una ai kamaroka.

1 Samuele 4:15

De angamoi o Eli una ma oraha naa ai ngumuru wadonoka ai taongo morihiwo de tufange ibooto de ko womahiorikokaua.