1 Kokoano 14:31 - Ma Jou ai Demo-demo o Totobelohoka

³¹ De ipaha o Rehabeama wohonenge de iwilungunu ai totofora manga lungunu ma ngioka abe o Dautu ai kota ma goronaka. De ahao o Rehabeama ai ngofaka o Abiama wodadi ai baba ai duruuru ho unangoli wahikoano ona abe manga gogere daku o Yehuda ma tonakoka. De o Rehabeama gea ngoi meme o ngo Naama de muna o homoaino ma nyawa abe o Amono ma nyawa manga tonakino.

1 Kokoano 14:31 ပူးပေါင်းရင်းမြစ်များ

1 Kokoano 11:1

De ma oraha o Saloomo wahikoano o Isiraele ma nyawaika de una wamake ngoi feka-fekata abe duru manga ngoe o homoa ma nyawaino. De muna abe o homoaino mohira abe modadi ngoi fekata gea o Mesiiri ma nyawa manga koano ngoi ora. De ahao ngoi fekata utuoli womamake o Moaba ma nyawaino, de o Amono ma nyawaino, de o Edomo ma nyawaino, de o Sidono ma nyawaino, de o Hete ma nyawaino.

1 Kokoano 11:43

De ma oraha o Saloomo wohonenge ho iwilungunu ai baba o Dautu ai kotaka. De ahao o Saloomo ai ngofaka o Rehabeama ai baba wituruuru ho unangoli wodadi o Isiraele ma nyawa manga koano.

1 Kokoano 15:1

De o Abiama una womulaenge wohikoano daku o Yehuda ma tonakoka ma oraha o koano dau ma honongaka o Isiraele ma tonakoka, o Yerobeama abe ai baba o Nebata, una ai nyawa wahikoano ngade-ngade ai taongo ngimoi de tufange ma dekanino.

1 Kokoano 15:24

De ma oraha o Asa wohonenge de unangoo iwilungunu o Dautu de ai totofora manga lungunu ma ngioka o Dautu ai kota ma goronaka. De ahao o Asa ai ngofaka o Yosafata wituruuru ho unangoli wodadi o Yehuda ma kokawaaha manga koano. De hokonaa ma ade-ade ma titi o kokoano dau o Isiraele ma tonakoka abe hokokia o Baesa gea wodadi manga koano. O Yerobeama gea duru ihira Ma Jou wihidadi o Isiraele ma nyawa manga koano masara una ahao duru wotobalawana Ma Jouika. De ma oraha o Yerobeama wohonengoka ai ngofaka o Nadaba wodadi manga koano. Masara o Nadaba ai datoro hoka ai babali de ai kokawaaha wahikoano itorou. De o Nadaba wohikoano ko itedekanua de o Baesa witoma de wituruuru ho unangoli wodadi o Isiraele ma nyawa manga koano ma oraha o Asa wahikoano daku o Yehuda ma tonakoka.

1 Kokoano 15:3

De o Abiama gea, una o koano abe ai datoro imaketero hoka ai babali ho unangoo ai howono imakadaene hoka o Rehabeamoli. De o Abiama to una ai hininga duru imakohowono de ai kuwewete o Dautu ai hininga abe una ma dihira gea duru ai hininga imakiniiki de Ma Jou ai mau.

1 Kokoano 2:10

De ahao o Dautu wohonenge de iwilungunu o Yerusaleemoka, abe ma kota ma ngioka gea ihiromanga ato o Dautu ai kota, ho genangoka iwipohuku.

1 Kokoano 22:50

De ipahaino de o Isiraele manga koano o Ahasia una wihigaro o Yosafatika wato, “Marai irahai nako to ngohi ahi nyawa utu tahidingoto ngonaika la ona de to ngonali ani nyawa ka idadi yomakuduhunu yohidete o kapa done o kangela yaohana.” Masara o Ahasia ai demo gea ko wodosanangiua enangika ho ma duduhunu gea o Yosafata ka waoluku dika.

2 Tawari 12:16

De ma oraha o Rehabeama wohonenge de unangoo iwilungunu o kokoano manga lungunu ma ngioka o Dautu ai kota ma goronaka. De ahao o Rehabeama ai ngofaka o Abia wituruuru ho unangoli wodadi ona yogogere o Yehuda ma tonakoka manga koano.

Matiusu 1:7

De ukuoli o Saloomo ai ngofaka gea o Rehabeama, de ukuoli o Rehabeama ai ngofaka o Abia, de ukuoli o Abia ai ngofaka gea o Asa.