1 Kokoano 14:26 - Ma Jou ai Demo-demo o Totobelohoka

²⁶ De o Sisaka gea wangika hiadono wongohama Ma Jou o Yawe ai Tau de wale ma kiahonanga abe duru de ma ijaka. De hokogenangoo wodiai o koano o Rehabeama ai tau ma goronaka abe womale ma kiahonanga mata-mata abe duru ma hali-hali ka hiadono o parangi ma dadatoko abe o Saloomo wodiai o gurasino enangoo waleoka.

1 Kokoano 14:26 ပူးပေါင်းရင်းမြစ်များ

1 Kokoano 15:18

De o Asa womahibalaha hokonaa, una wale o haaka de o gurasi ma hou abe nagahi Ma Jou o Yawe ai Tau ma goronaka de utu wale o gurasi de o haaka o koano ai tauino de ena mata-mata wapake la o duduhunu wamake o Arama ma tonakino. Abe to una ai duduhunu ma nyawa yamuruono naga wairiki de wahidingoto de ma gurasi de ma haaka gea yao o Arama ma kota ma ayoika o Damasiki. De genangoka ona kiani iwitutumu ma koano o Bene-Hadada abe ai baba o Tabarimo de ai ete o Arama ma nyawa manga koano ma dihira abe ai romanga o Hesiono. De hokonaa o Asa ai hingahu abe kiani yadofanga o Bene-Hadadika.

2 Kokoano 24:13

De ahao idadi duru imaketero abe hoka ma dihira Ma Jou o Yawe wahingahuoka abe o Nebukanesara una wakokile manga kiahonanga mata-mata abe yodiai o gurasino ho duru ma hali-hali. De ena ma kiahonanga mata-mata abe ma dihira o Saloomo wodiai o gurasino de wohingohama Ma Jou o Yawe ai Tau ma goronaika, de ai kiahonanga utu abe una wapake o koano ai tau ma goronaka, enangoo mata-mata yakokile. De ena gea o Babele ma nyawa yatobi-tobikuku la ona ka idadi yakokiao o Babele ma kotaika.