1 Kokoano 14:2 - Ma Jou ai Demo-demo o Totobelohoka

² Ho o Yerobeama womihuloko ngoi fekatika wato, “Ngona kiani nomahinoauku de o ngofeka momatengoli ami pakeanga de nomaturuuru ani rupa la ufa o nyawa inihioriki abe ngona to ngohi ngohi fekata. Nomaturuuruohi de ahao noiki o Silo ma kotaika la ka idadi nitutumu Ma Jou ai uru ma dodofanga o Ahia ai tauoka. Abe una gea ma dihiraino de wohihingahu wato ngohi ahao todadi o koano nanga tonakoka naa.

1 Kokoano 14:2 ပူးပေါင်းရင်းမြစ်များ

1 Kokoano 14:1

De ipahauku naga ma oraha abe ma koano o Yerobeama ai ngofaka wopanyakeuku. De ai ngofaka gea ai romanga o Abia.

1 Kokoano 14:4

Ho una womihuloko ibooto de ngoi fekata gea duru mihingounu ai demoika ho moiki o Silo ma kotaika de mitutumu o Ahiaika. De o Ahia una gea iwiperekioka de ko womahiorikokaua.

1 Kokoano 20:38

De una ai nabo gea wapakitino ka hiadono ai lako enangoo wohidapakitoka de ahao o ngekomo ma datekoka widamaa o Ahaba woboaino la ka idadi witemo unangika.

1 Kokoano 22:30

De yomahidiai yosobo yaparangi de o Ahaba wahiaturu wato, “Ngohi naa ko tapakeua o koano ma baju masara ngona o Yosafata kiani o koano ma baju napake o parangi ma goronaka. Ngohi o pakeanga biaha dika tapake o parangi ma goronaka la ko moiua o nyawa ihihioriki.” Hokogea o Ahaba ai hidee la womadatoko o boditoino. De ahao yosobo yoiki o Arama ma nyawa gea yaparangi.

Lukasa 12:2

Angamoi ahao naga ma oraha abe o nyawa homoi-homoi manga hininga ma dola Ma Jou wahimatoko o nyawa mata-mataika. De ma oraha gea duru ko iwaka o nyawa manga dogogono manga hiningaka.

1 Samuele 28:8

De manga demo gea woihene ipaha de ahao o Saulu womaturuuru abe womahinoauku de o baju biaha dika la ufa o nyawa iwihioriki abe una manga koano. Womaturuuru ibooto de ipaha o fufutuoka una de ai nyawa yahinooto yosobo yoiki ma ngofeka gea ami tauika. De yomahiadono ami tauika de o Saulu womahingahu munangika wato “Ngohi naga ahi perelu womatengoika abe wopahaka, ho kiani mimaketemo de una. Ho ka idadi ngona niahoko ai womaha naangiye la ngohi de una mimaketemo?”