1 Kokoano 13:6 - Ma Jou ai Demo-demo o Totobelohoka

⁶ De ahao ma koano o Yerobeama womagahoko Ma Jou ai uru ma dodofangika gea, wato, “Duru tomagahoko ngona nohigahoko ani Jouika la ahi giama idadi hoka ma dihirali.” Hokogea womagahoko de Ma Jou ai uru ma dodofanga widemo Ma Jou o Yaweika de ka itodokanino de ai giama itogumoka ho idadiokali hoka ma dihirali.

1 Kokoano 13:6 ပူးပေါင်းရင်းမြစ်များ

1 Kokoano 13:5

De o haro-harongo ma huhuba ma ngi gea ipelaka hinooto de o huhuba ma kafo abe naga ma lokuoka ipurarahuku. Hokogea idadi duru imaketero abe hoka Ma Jou o Yawe ai uru ma dodofanga ai hohowono ma demo wohidumutu enangika.

Huhupu 10:17

Ho naa togahoko la ahi howono naa niaofi de nihiniata nia Jou o Yaweika la o hohowono abe ngade-ngade inahohonenge naa wagorakoka ngohino. O kabotara naa imihiwederoka ngomi ho kiani duru nimigahoko!” Hokogea o Firaunu ai toduba ma demo o Musa de o Harunika.

Huhupu 12:32

De ngini niakokiaoka ti ngini nia kabingi, de nia domba, de nia hapi hoka nengokadau nigahokoka. Moi dika togahoko de gea la ngaro naa nisobo ma ngohioo nihihiowa.” Hokogea o Firaunu wahigaro la yomataiti yohupu.

Huhupu 8:28

De o Firaunu wato, “Ngohi ma oraha naa tato tinihigunoa ho niloiki dika. De ka idadi ti ngini nia huhuba niao de nimahihuba nia Jou o Yaweika o tonaka ma kakaahaka. Ho naa ngini nimataiti niloiki ma iti kalioli nikurutika. De naa kiani Musa ngona nohiniata.” Hokogea o Firaunu ai gogahoko.

Huhupu 8:4

De ngaro ngona eko ani duduhunu de hiadono ani kokawaaha ngini mata-mataika homoi-homoiika nia kokibadangiye inikokidoa.”’ Hokogea ahi demo o Firaunika abe kiani ngona Musa nadofanga unangika.”

Huhupu 8:8

Masara manga koano o Firaunu duru wokangelaholi ma titi o popaa gea de o Musa de o Harunu wabehehongo. Ho ka de yoboainoka de wogahoko onangika wato, “Naa ngohi tato nia nyawa ka idadi tahigunoa yoiki la manga huhuba gea yomahihuba ti ngini nia Jou o Yaweika gea. Ma, iti nimigahoko la o popaa naa ka idadi Una wagorakoka abe ngohi de ahi kokawaahaoo imihikokangelaholi.” Hokogea o Firaunu wogahoko.

Huhupu 9:28

De o es ma awana de yokokuruuhu naa duru imihihawana de ngohi duru togahoko la ngini nimidemo ngomi Ma Jou o Yaweika la o bodito naa wohitogumu. De ngohi ko tinitumungokaua de naa ka idadi tinihigunoa la ngini nihupu.” Hokogea o Firaunu duru wogahoko o duduhunu o Musa de o Harunika.

Gegetongo 12:13

De o Musa ai dora munangika itagi hiadono duru waamokiye womigahoko Ma Jou o Yaweika wato, “Ahi Jou, duru ngohi togahoko la Ngona nomihitogumu!”

Gegetongo 21:7

De ahao ona utu yoboa o Musaino de yomangaku manga howono, ato, “Ngomi miahowonoka! Duru itorou wiwihigurubungu Ma Jou o Yaweika de mitemo ngonaikaoo duru itorou. Ho ngomi migahoko la ngona Musa, nomidemo Ma Jou o Yaweika. Nomigahoko la Una o dodiha naa wakokiduhuoka.” De manga gogahoko gea o Musa wohimoteke ho ai nyawa waniata.

Matiusu 5:44

Masara Ngohi naa tato ngaro ti ngini nia musu ma onangikaoo ngini kiani niadora onangika! De nako naga abe inihikokangela, ngini niagahoko ma owa ma titi ona gea Ma Jouiye la ona ahao yamake o hiowa Ma Jouino!”

Lukasa 23:34

De ahao o Yesusu wagahoko o nyawa mata-mata gea wato, “Baba, naofi dika to ona naa manga howono Ngohino, angamoi ona duru ko ihiorikua abe o kia yodiai!” De ipaha de ma tentara gea yomaketebobataru la ato ahao ihioriki hokokia yomahikodoku o Yesusu ai baju mata-mata abe ko iwihidapakuahi de ahuputoka.

Hidingoto 7:60

De ahao una watilabukuku de waamo-amokiye wato, “Ahi Baluhu, togahoko la manga howono naa ngohino Ngona naapongo dika!” De hokogea wotemo ibooto de una wopahaka.

Hidingoto 8:24

De o Simono wopaluhu wato, “Ngohi duru togahoko la ngini naa nihigahoko ma titi ngohi, la ufa ma hohowono abe nifetongoka ihidaene ngohino!”

Roma 12:14

De nako naga o nyawa abe inihikangela nginika, gea niagahoko Ma Jouiye ma titi ona la Una wahidoaka ma owa onangika. De gea ko idadiua niagahoko Ma Jouika la ahao yamake ma dorou onangika, masara bowahu ma owa dika niagahoko ma titi ona gea abe inihikangela.

Roma 12:21

Ho gea ngohi tato ufa o nyawa manga datoro ma dorou abe yodiaioka nginika de inihikala genangino hiadono nginioo nioigo nimahibalaha de ma dorou onangikali. Ko idadiua hokogea ngini nidiai, masara koaho niahikala to ona manga datoro ma dorouika ma titi ti ngini nia datoro ma rorahaiino abe nidiai onangika.

Himatoko 3:9

De gea abe Ngohi tohiaturu la ona o Ibilihi ma haeke ma doomuino abe ma oraha naa ona inihikangela, ahao ona gea yoboa nginika de kiani inihoromati nginika. De gea ona abe yoelu-eluku de yomahiromanga ato o Yahudi ma nyawa, masara ona gea ko o Yahudi ma nyawa ma gou-goungua, angamoi o Ibilihi ma haeke ona yanii-niiki. Ho abeika nitotoihene! Ngohi ahao tohiaturu la ona gea ko idadiokaua inihikangela, masara gea ahao yoboa de yomamotumuku nia himangoka, de ma oraha gea ona ihioriki abe ngini gea Ngohi duru tinidora nginika.”

1 Samuele 12:19

De ona yopoa-poaka, ato, “Mia baluhu, nomigahoko ani Jouika, Ma Jou o Yaweika, angamoi nako ko nomigahokua de marai ngomi duru ma oraha naa dika de mikokihonenge! Ngomi naa mimangaku duru mia howono ma ngoe Ma Jouika. De igoungu, ngomi mimagahoko la womihidoaka o koano masara naa mihioriki mia gogahoko gea duru ihowono ho mia howono ka mihidogo dika. Ho mia baluhu kiani nomihidemo Ma Jou o Yaweika.”

1 Samuele 12:23

“De nako ngohi naa, ngaro ufa nihawana ngohi ahao ko tininiatokaua abe nako hokogea ngohi todiai de ngohioo tahowonoka Ma Jou o Yaweika. De ngohi ko tomatogu-togumua tinidotoko la nianiiki abe irahai de itiai Ma Jou ai himangoka.