1 Kokoano 13:13 - Ma Jou ai Demo-demo o Totobelohoka

¹³ De ahao una wahuloko ai ngofa-ngofakika wato, “Ngini niloiki de nihipasanga ma gogogere ahi keledai ma poretuku la ka idadi tosobo.” De ona yaniiki manga baba ai demo gea ho una wofarene ma keledai ma poretuku.

1 Kokoano 13:13 ပူးပေါင်းရင်းမြစ်များ

1 Kokoano 13:12

De yoade-ade ipaha de ahao manga baba waleha wato, “Ma Jou ai uru ma dodofanga gea kangano ma oraha wosobo de ma ngekomo o kiaka waniiki?” Ho ona ihidaere manga babaika ma ngekomo abe o Yehuda ma nyawa gea waniiki.

1 Kokoano 13:14

Wofarene ipaha de ahao una wosobo wihidoduruika unangika. De ipahaino widaene abe una gea naga wogogeruku o gota ma amoko ma timiuku. Ho womahitigika unangika de wileha wato, “Ngona naa nagoungu Ma Jou ai uru ma dodofanga gea abe o Yehuda ma tonakoka de naino noboa?” De una wipaluhu wato, “Igoungu, ngohi naa.”

1 Kokoano 13:27

De ahao una iwiperekioka gea wahuloko ai ngofa-ngofakika wato, “Ngini niloiki nihipasanga o gogogere ahi keledaiuku.” De ona yaniiki manga baba ai demo ho iwihidiai ai keledai la ka idadi una wosobo.

Gegetongo 22:21

Ho ma ngorumino o Bileama womomiki de womahidiai wosobo ho ai gogogere wohipasanga ai keledai ma poretuku de ahao wofarene ma keledai ma poretuku de waniiki o Moaba manga balu-baluhu ma oraha yolio manga koanoika.

Hihira 10:4

De o Yairi gea naga ai ngofaka o nauru yamoruange abe ona homoi-homoi yotobafarene o keledai ma oraha yotagi-tagi aika aino. De ai ngofaka gea onangoo homoi-homoi yahiboripareta o kota moruange o Gileada ma tonakoka. De ma kota moruange gea o nyawa ihiromanga enangika ka ma moi ato o Yairi ma / ai kota-kota. De ngaro hiadono ma oraha naa abe tohitulihuku ma ade-ade masara ma kota gea ka ihiromangohi o Yairi ma / ai kota-kota.

Hihira 5:10

Abeika nitotoihene, ngini abe nia gogere ikokurutiye. Abe ngini naga de nia keledai ma rorahai, De ko niofarenuahi ma poretuku de niahinao ma keledaioka de nia ngoere, Abe enangoo ka ma rorahai dika. De ngini abe ka nimalou-lou dika ma ngekomika, Nginioo irahai nitotoihene ma lolaku ma ade-ade naa, La ngini mata-mata ka idadi niahingahu-ngahu utuika!