1 Kokoano 12:3 - Ma Jou ai Demo-demo o Totobelohoka

³ De o Isiraele ma nyawa manga hidimono ona iwibehehongo o Yerobeama woboa onangino la ka idadi yomakiniiki iwitutumu o Rehabeamika gea. Ho naa o Yerobeama de o nau-nauru abe yahihira o Isiraele ma nyawa mata-mataika yomatoomuino de yoiki iwitutumu o Rehabeama la yomakoketemo de una.

1 Kokoano 12:3 ပူးပေါင်းရင်းမြစ်များ

1 Kokoano 12:2

De o Yerobeama, abe ai baba o Nebata, una ma dihiraino o Saloomo wato witoma ho una woara o Mesiiri ma tonakika. Ho naa una woihene ma abari abe o Koano o Saloomo wohonengoka de wolio o Isiraele ma tonakika ho ma oraha naa una ko ai gurutikaua de o Isiraele ma nyawa manga doomu gea.

1 Kokoano 12:4

De ona iwitemo o Rehabeamika ato, “Ani baba womihipareta de ma dubuho ho ngomi naa mikokiboa mimagahoko ngonaika de mia horomati. Ho naa miboa ma titi ani baba ai karajaanga ma hiaturu de o pajaka ma bobangu, abe kiani ngomi mifangu hiadono miamao itubuhoholi. Ho ngomi naa miboa de mia horomati mimagahoko ngonaika la nohiuwini mia karajaanga de mia pajaka ma bobangu abe kiani mifangu ngonaika la ufa ka ihikaika itubuhoholi. Abe ka de hokogea ngona nomihibehehongo nohiuwini mia gina gea de ahao ngomi mia igoka de aino misanangi midadi ani kokawaaha.” Hokogea yomagahoko manga koano ma hungika.

Hihira 9:1

De o Gideono wopahaka de ahao o wange moiuku ai ngofaka o Abimeleke, una woiki o Sikeme ma kotaika la watutumu ai pepe de ai gogianongoru utuoli abe ngoi memeoka adaene. Ho una womahiadono manga ngiika de wotemo wato,