1 Kokoano 12:14 - Ma Jou ai Demo-demo o Totobelohoka

¹⁴ De waniiki ai duduhunu manga hininga dika abe o goo-goduuru gea. Ho to ona manga demo wohigilio ma oraha wapaluhu o Yerobeamika de o Isiraele ma nyawa mata-mataika, wato, “Igoungu, ahi baba winihipareta de o ribuutu de aino masara to ngohi ahi pareta nginika utuohi de ma buturungoka! Una wapake o boboha la niwihingounu masara nako nialawana to ngohi ahi hiaturu ma dubuho, ngohi ahao tapake abe imaketero hoka o waitota ma biha nginika! Ho ngini niamao utuohi ma odiri nako ngohino nihilawana.” Hokogea o Rehabeama ai demo ai kokawaahaika.

1 Kokoano 12:14 ပူးပေါင်းရင်းမြစ်များ

1 Kokoano 12:13

Masara o Rehabeama ko wagihenua abe manga gogahoko de ai demo duru ko iwa ma horomati onangika de angamoi woluku o nauru yapoperekika manga sosawaro ma demo unangika.

Huhupu 1:13

Ho o Mesiiri ma nyawa utuohi ihidogoli manga kangela hiadono duru kohagiriakaholi o Isiraele ma nyawaika yahikarajaanga.

Huhupu 1:14

De o Isiraele ma nyawa manga hininga duru de ma dubuhoka ma titi o kangela ma karajaanga gea yamao mata-mataika. Abe o Mesiiri ma nyawa duru yaribuutu manga redi-redioka yokarajaanga irupa-rupa de yahikarajaangoo manga kota ma tau yodiai o telaino abe yafafoiye. Ho gea o Isiraele ma nyawa manga wowango duru kohadubuho hiadono manga hininga ka ihikaika ihuha.

Sosawaro 16:18

Nako ngone homahigiriiri ngone ma hirete, gea kiani homahitiari done o dodotoko ma dubuho inadaene. Angamoi nako hiadono homagorakiye, gea ko itedekanua de inaotakuku.

Sosawaro 17:14

Nako hiadono ngone de nanga dodiawo homaketeliliaroka, gea duru ihuha hohipidili genangino. Angamoi gea imaketero hoka o boto moi ipidahoka, abe duru ko igapangua itogumu ihahuruku. Ho koaho ma liliara gea ko idadiuahi de ngone homahitiari de homatongohono nanga uru ma demoino la ufa hiadono imulaenge / idadi.

Sosawaro 5:13

Adodoa ho ngohi ko tahigihenua ahi guru-guruika abe ona ato ihiduhunu? Masara ngohi duru toluku tohigihene manga demoika abe yoigo ahi howonino ihiduhunu. Adodoa ho ngohi tahowono hokogea ma amoko?

Yakobusu 3:14

Masara nako ngini nia hiningaka de duru niataleana o nyawaika, de ka ihikaika ti ngini dika ma hirete nia perelu nihitihira ho o nyawa utu manga perelu ko niolegaikaua, gea koaho ufa nimagoraka de nimahingahu niato nisosawaro Unangoka. Angamoi nako hokogea nia hininga masara ka nimahingahuohi o nyawaika niato nisosawaro, gea nieluku dika angamoi ma dodotoko ma gou-goungu ko nianiikua.