Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kokoano 11:9 - Ma Jou ai Demo-demo o Totobelohoka

9-10 De ma dihiraino Ma Jou o Yawe womahimatoko o Saloomoika ma hinooto ibooto de wihitiari wato ufa hiadono una worehene de womahuba o jou ma homoaika. Masara ipahaino de igoungu una womahirehene ma homoaika de ko winiikokaua o Isiraeloka manga Jou, ho mangale ma titi gea de Una duru wingamo o Saloomoika.

အခန်းကိုကြည့်ပါ။ ကော်ပီ




1 Kokoano 11:9
20 ပူးပေါင်းရင်းမြစ်များ  

De gea ami gari ma wange muruono ipaha de ahao o Dautu ai duduhunu wahidingoto munangika la imingotaka to una ai tauika. De ahao o ngo Baseba gea womihidadi to unangoli ngoi fekata de muna ma oraha momagerewoto de ami ngofaka o nauru. Masara Ma Jou o Yawe duru ko wosanangiua abe de ena gea o Dautu wodiai.


Masara Ma Jou o Yawe ai ngamo iwidubuku unangika ho itodokanino de o Usa Ma Jou wihohonenge ho ai honenge iruba duru Ma Jou ai Peti ma datekoka. De hokogea idadi angamoi Ma Jou wato ko idadiua o nyawa yaso Ma Jou ai Peti ma debi-debinika gea.


De naga o huhuba ma ngi utuohi ma ngoe abe o Saloomo wodiai la ka idadi ngoi fekata ko manga ngoe gea homoi-homoi yomahuba-huba manga jou amomoiika. Ho ma ngi-ngioka gea ona yatobatufu-tufuku o manyanyi de nagali manga huhuba utuoli abe yomahihuba manga jou-jouika.


De ahao ma futuku gea de o Saloomo ai giooko ma gogiriaka de Ma Jou womahimatoko unangika ai buluhara ma goronaka. De gea Ma Jou wotemo unangika wato, “Ngona ka idadi nomagahoko moi Ngohino de gea Ngohi tosanangi dika tonihidoaka ngonaika.”


De gea mata-mata wodiai ibooto de ahao Ma Jou womahimatoko ma moioli unangika, abe imaketero hoka ma dihiraino womahimatoko o Saloomoika o Gibeono ma kotaka.


Masara ka de womahiaka hokogea de Ma Jou o Yawe ai ngamo itagi o Musaika de wotemo wato, “Ho sarakia nako o Harunu woniduhunu, unangoo o Lewi ai toforauku abe una ani riaka idodutu de Ngohi duru tihioriki wotemo-temo wosawaro. De abeika, ma oraha naa una wosoboka dokaino woboa ngonaino la wonibuhuku de ma oraha nimakamakeoli de gea una duru ai hininga isanangi.


Mata-mata ngone hodiai ngaro ma dorou eko ngaro ma owa, ma mata-mata gea imulaenge nanga hiningaka de aino. Ho gea abe itagi nanga hiningaka ahao ihupu de imahimatoko nanga wowango ma datoroka. Ho abe ngini kiani duru ka ihikaika nimahigoana la ufa nia hininga itagi ma dorouika angamoi ngaro mata-mata utu nia wowangoka ma ka enangohi kiani niogoana.


Hokogea Ma Jou o Yawe ai dodaere ma demo o Harunika de o ngo Miriamika angamoi duru ai ngamo itagi onangika. De gea Ma Jou wotemo ibooto de wosobo.


“De gea Ma Jou woihene ahi demo masara duru wongamo ngohino mangale ma titi ngini naa, ho Una duru ko wohihigihenua ahi gogahoko ma demoino. De wohitemo ngohino wato, ‘Ibootohi notemo ma titi gea!


Angamoi nako ahi dodiawo ma dihiraino nenangoka, ona gea ngade-ngade ko moiokaua. Abe nako o Demasa abe una naa ma duru wohidodiawoino ngohi nenangoka, naa una wohinoaka wosoboka wato o Tesalonika ma kotaika woiki ma titi duru woigo de wolegaika o duniaka naa ma wowango ma perelu, hiadono ko wolegaikakaua Ma Jou ai karajaangika. De nako nanga gogianongoru o Kresekes de o Titusu, ona gea yosoboka la ato iwileleani Ma Jou o ngi-ngi utuikali. Abe o Kresekes una gea o Galatia ma tonakika woikoka, de o Titusu unangoo woikoka o Dalamatia ma tonakika.


“Ngohi naa duru tomatoduba o Saulu ma dihira tihidadioka o koano angamoi una ko waniikokaua to Ngohi ahi behehongo unangika abe naa ma moioli woluku wohihingounu Ngohino.” Ka de hokogea o Samuele woihene de ai hininga duru ihuhaholi hiadono o futu moiino de ai hininga ma huha o Saulu wigahoko Ma Jou o Yaweika.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ