1 Kokoano 11:7 - Ma Jou ai Demo-demo o Totobelohoka

⁷ De hongoli o Saloomo wahuloko ai nyawa la yodiai o huhuba ma ngi hinooto o lokuoka abe imanoa o Yerusaleeme ma datekoka o wange ma hiwaroka. De gea naga ma huhuba ma ngi moi yodiai la genangoka ka idadi o nyawa yomahuba o Moaba manga jou ma homoaika ma romanga o Kamoso. De abe ma ngi moioli gea yodiai la ka idadi o nyawa yomahuba o Amono manga jou ma homoa o Molokika, abe o Moloko ena gea duru itotorou.

1 Kokoano 11:7 ပူးပေါင်းရင်းမြစ်များ

Dodadi 33:2

De ahao o Yakubu ai tau wahiaturu la watatorika de wahuloko la ngoi fekata abe o hidoakino de manga ngofa-ngofaka kiani ona yohira, de ahao ngoi fekata o ngo Lea de ami ngofa-ngofaka ona yokokorona de ma bahaika naga o ngo Rahele de ami ngofaka o Yusupu.

1 Kokoano 11:5

Masara naa o Saloomo womahuba o pangao o ngo Asitoretika abe o Sidono ma nyawa manga jou. De naga utuohi o Saloomo wodiai abe duru itorou ka hiadono womahuba o Molokika abe ena gea o Amono ma nyawa manga jou abe o nyawa kiani duru yaemono enangika.

1 Kokoano 11:6

Hokogea o Saloomo duru wodiai itorou Ma Jou o Yawe ai himangoka. Abe to una ai hininga ihirehene manga popangaoika hiadono Ma Jou o Yawe ai mau ko waniikokaua hoka ai babali o Dautu ai hininga. Abe ai baba o Dautu duru winiiki Ma Jou o Yaweika dika.

1 Kokoano 11:8

De naga o huhuba ma ngi utuohi ma ngoe abe o Saloomo wodiai la ka idadi ngoi fekata ko manga ngoe gea homoi-homoi yomahuba-huba manga jou amomoiika. Ho ma ngi-ngioka gea ona yatobatufu-tufuku o manyanyi de nagali manga huhuba utuoli abe yomahihuba manga jou-jouika.

1 Kokoano 15:12

Una wahihihanga o popangao mata-mata abe ma dihiraino ai totofora yodiai. De wahihihanga o nau-nauru abe manga badanga yomatobafuku-fukunu o pangao ma tauoka la ato hokogea yomahuba manga pangaoika, ona mata-mata wahihupu ai tonakino ka hiadono ona duru ko idadiokaua yolio manga tonakika.

2 Kokoano 23:10

De naga o Bene-Hinomo ma dolaka o pangao o Moloko ma huhuba ma ngi ma romanga o Tofete. De genangoka o nyawa to ona manga ngofaka yomahihuba de o uku o pangao o Molokika. De o koano gea duru wohibinaaha o Tofete gea la ko idadiokaua o Isiraele ma nyawa manga ngofaka ngaro o nauru eko o ngofeka genangoka yomahihuba.

Gegetongo 21:29

De ngini o Moaba ma nyawa ma oraha naa o Sihono winileoka, Abeika ngini naa inihibinaahaka ngaro nimahuba o Kamosika. Ngini o nau-nauru niloara angamoi nia pangao o Kamoso wininoaika, De ngini o ngo-ngofeka o Sihono winitaoko abe o Kamoso winihidogunoaika. Ho nidadi o Sihono ai huhuloko, o Amorioka manga koano ai huhuloko.

Gegetongo 33:52

De gea niwohama de kiani niakiniiki o Kanani ma nyawa mata-mataika o tonaka ma homoaika. De naga to ona manga popangao abe utu yopakoro o gotaino de utu yapake o gurasi eko o haaka de duru ihihauku la iwaro de hokogea manga popangao ma hapa yomadiai. Ho manga popangao mata-mata gea ngini kiani niabinaaha dika. De nagali ma ngi-ngi o loku-lokuoka o kiaka ona gea yomahuba-huba manga jou-jouika, de enangoo mata-mata ngini kiani niabinaaha hiadono duru ko iwaka.

Matiusu 26:30

De yolomo ibooto de ahao o higiriiri moi yonyanyiokahi Ma Jouiye de gea ma tauino yohupuoka de ahao yoiki yodoa o Saitunu ma lokuiye.

Hidingoto 1:12

De abe ma oraha o Yesusu wogoraka de ona naga o Saitunu ma lokuoka. Ho abe wogoraka ipahaino de iwinii-niiki ona yokokilio yotagi-tagi o Yerusaleeme ma kotaika, abe manga dodagi gea ngade-ngade o kilo moi ma gurutino dika yotagi, ko ikurutikaua.

Hidingoto 1:9

De hokogea wahibehehongo ibooto de abe ka iwilega-legahi de ahao iwigoraka daku o Horogaiye ho wongohama o lobi moi ma goronaiye ho ka aiaho, ko iwimakeokaua.

Hidingoto 7:43

Koua, gea ko Ngohinoua nimahuba! De ngaro ma tau o ngoerino abe nitobaao-ao aika aino, masara gea tanu taetongo ko to Ngohiua ahi tau o ngoerino. Angamoi ma oraha gea de nimahuba-huba o popangaoika, ho gea koaho tohiromangoli ma tau gea tato to Moloko ma tau o ngoerino abe nitobaao-ao nia dodagioka. De ma dihiraino gea nagali nia pangao moioli, abe niao-ao o murumu ma rupa moi ihiromanga o Refana la nimahuba-huba enangika. Ho tanu o Moloko de o Refana ena gea abe idadi nia jou ma dodihiraino la nimatobahuba-huba enangika. Ho mangale ma titi gea ho Ngohi ahao tinihidoakika o homoa ma nyawa manga giamika abe kohagurutika o Babele ma nyawa manga tonakoka.’” “De hokogea Ma Jou ai demo nanga totoforaika ma dodihiraino.”

Hihira 11:24

Ngona napareta dika o tonaka abe ti ngini nia jou o Kamoso inihidoaka ngini o Amori ma nyawaika de ngomi o Isiraele ma nyawa miapareta o tonaka abe to ngomi mia Jou, Ma Jou o Yawe, womihidoakoka ngomino.