1 Kokoano 11:43 - Ma Jou ai Demo-demo o Totobelohoka

⁴³ De ma oraha o Saloomo wohonenge ho iwilungunu ai baba o Dautu ai kotaka. De ahao o Saloomo ai ngofaka o Rehabeama ai baba wituruuru ho unangoli wodadi o Isiraele ma nyawa manga koano.

1 Kokoano 11:43 ပူးပေါင်းရင်းမြစ်များ

1 Kokoano 1:21

Ho ngohi tato irahai tomataiti tonihingahu ngona ahi koanoika abe hokokia idadioka. Angamoi nako hoka ko iwa ani putuhu de ani baha adonoka, done ahao ka de nopaha de ngohi de nanga ngofaka o Saloomo imitaokino de ka imihohonenge ngomi.”

1 Kokoano 14:31

De ipaha o Rehabeama wohonenge de iwilungunu ai totofora manga lungunu ma ngioka abe o Dautu ai kota ma goronaka. De ahao o Rehabeama ai ngofaka o Abiama wodadi ai baba ai duruuru ho unangoli wahikoano ona abe manga gogere daku o Yehuda ma tonakoka. De o Rehabeama gea ngoi meme o ngo Naama de muna o homoaino ma nyawa abe o Amono ma nyawa manga tonakino.

1 Kokoano 15:24

De ma oraha o Asa wohonenge de unangoo iwilungunu o Dautu de ai totofora manga lungunu ma ngioka o Dautu ai kota ma goronaka. De ahao o Asa ai ngofaka o Yosafata wituruuru ho unangoli wodadi o Yehuda ma kokawaaha manga koano. De hokonaa ma ade-ade ma titi o kokoano dau o Isiraele ma tonakoka abe hokokia o Baesa gea wodadi manga koano. O Yerobeama gea duru ihira Ma Jou wihidadi o Isiraele ma nyawa manga koano masara una ahao duru wotobalawana Ma Jouika. De ma oraha o Yerobeama wohonengoka ai ngofaka o Nadaba wodadi manga koano. Masara o Nadaba ai datoro hoka ai babali de ai kokawaaha wahikoano itorou. De o Nadaba wohikoano ko itedekanua de o Baesa witoma de wituruuru ho unangoli wodadi o Isiraele ma nyawa manga koano ma oraha o Asa wahikoano daku o Yehuda ma tonakoka.

1 Kokoano 15:8

De ma oraha o Abiama wohonenge de unangoo iwilungunu o Dautu de ai totofora manga lungunu ma ngioka o Dautu ai kota ma goronaka. De ahao to unangoli ai ngofaka o Asa abe Ma Jou wihidoaka la wodadi ai duruuru, una ahao wahikoano ona o Yehuda ma tonakoka.

1 Kokoano 16:6

De ma oraha o Baesa gea wohonenge de iwilungunu o Tirisa ma kotaka. De ahao to una ai ngofakoli wituruuru abe ai romanga o Ela ho naa unangoli wodadi manga koano o Isiraele ma tonakoka.

1 Kokoano 2:10

De ahao o Dautu wohonenge de iwilungunu o Yerusaleemoka, abe ma kota ma ngioka gea ihiromanga ato o Dautu ai kota, ho genangoka iwipohuku.

1 Kokoano 22:40

De ma oraha o Ahaba wohonenge de una iwilungunu ai totofora manga lungunu ma ngi-ngi ma goronaka. De ahao ai ngofaka o Ahasia wodadi ai duruuru ho unangoli wahikoano o Isiraele ma nyawa.

2 Kokoano 21:18

De ma oraha o Manase wohonenge de iwilungunu o redioka moi abe naga to una ai tau ma loaka de ihiromanga o Usa ai redi angamoi una abe wohiaturu o redi gea ai romanga o Usa. De ahao o Manase to unangoli ai ngofaka, ai romanga o Amono ai baba wituruuru ho unangoli ahao wahikoano ona o Yehuda ma tonakoka.

2 Kokoano 21:26

De ma oraha o Amono wohonengoka de iwilungunu de ai lungunu ma ngi o Usa ai redioka. De ahao ai ngofaka o Yosia unangoli ai baba wituruuru ho unangoli wahikoano o Yehuda ma nyawa.

2 Tawari 9:30

De o Saloomo wogogere o Yerusaleeme ma kotaka ai taongo moruatino ma dekana de hokogenangoo ma dekana abe wahikoano o Isiraele ma nyawa mata-mataika.

2 Tawari 9:31

De ma oraha una wohonenge iwilungunu ai baba o Dautu ai kotaka. De ahao o Saloomo ai ngofaka o Rehabeama unangoli wituruuru wodadi o koano.

Tobadotoko 2:19

De gea duru ko tohiorikua nako ona gea o sosawaro ma nyawa eko o bodo ma nyawa abe ahao yodadi ahi karajaanga ma hofoko ma dutu. Abe ngohi duru tokarajaanga de ahi buturungu ma gahumu de ahi tobahioriki ma gahumu o dunia ma lokuoka naa, masara gea ahao kiani todogunoaika dika. Ho done o kia ma titi ahi karajaanga gea? Marai duru ko iwa ma titi!

Matiusu 1:5

De ukuoli to Salamono ai ngofaka o Boasa, abe ai ngofaka ngoi meme gea o ngo Rahaba. De ukuoli to Boasa ai ngofaka o Obede, abe ai ngofaka ngoi meme o ngo Ruutu. De ukuoli to Obede ai ngofaka gea o Isai.

Matiusu 1:7

De ukuoli o Saloomo ai ngofaka gea o Rehabeama, de ukuoli o Rehabeama ai ngofaka o Abia, de ukuoli o Abia ai ngofaka gea o Asa.

Higalioli 31:16

Womahimatoko de ahao Una witemo o Musaika wato, “Ngona naa enohonenge, de ngona nopahaka de ahao o Isiraele ma nyawa naa yomulaenge yomahirehene la ka yanii-niikoli o jou-jou ma homoaika. Abe ona ahao yowohamika ma tonakika gea de ipahaino de yomahijou o nyawa utu genangoka manga jouika. De gea ona ahao ihioluku Ngohi de ka yawohangika ahi behehongo ma demo abe ma dihiraino de mimahiketehibehehongoka ona de Ngohi.