1 Kokoano 11:29 - Ma Jou ai Demo-demo o Totobelohoka29 De o wange moiuku abe ma oraha o Yerobeama ai tagongo waso de una wohupu o Yerusaleeme ma kotaino de wotagi waniiki o ngekomo ma hoanika. De ai dodagi gea ma goronaka naga womatengo woboaino Ma Jou ai uru ma dodofanga ai romanga o Ahia abe una o Silo ma kotaino. De ona yomakamake o ngekomoka abe duru o tonaka ma gupaka de o nyawa utu genangoka ko yaiwa. De o Ahia gea womahinoauku de o baju ma hungi abe ena gea ma guru-gurutuku. အခန်းကိုကြည့်ပါ။ |
Ho itararono manga koano ma hungi ko wopusingua abe ai kokawaaha manga behehongo unangika. De hokonaa idadi angamoi Ma Jou ai mau onangika hokogea. Abe naa idadioka duru imaketero hoka ma dihira Ma Jou o Yawe ai demo abe wihidoaka ai uru ma dodofanga o Ahiaika. De ma demo gea o Ahia wihingahuoka o Yerobeamika.
Ho o Yerobeama womihuloko ngoi fekatika wato, “Ngona kiani nomahinoauku de o ngofeka momatengoli ami pakeanga de nomaturuuru ani rupa la ufa o nyawa inihioriki abe ngona to ngohi ngohi fekata. Nomaturuuruohi de ahao noiki o Silo ma kotaika la ka idadi nitutumu Ma Jou ai uru ma dodofanga o Ahia ai tauoka. Abe una gea ma dihiraino de wohihingahu wato ngohi ahao todadi o koano nanga tonakoka naa.
De naga utuohi iwoe ma ade-ade abe idadi ma oraha o Saloomo wohikoano de ena mata-mata naga ihitulihukuoka o buku hangeoka abe ma romanga, “O Ade-ade abe Ma Jou ai uru ma dodofanga o Natana wohitulihi,” de ma buku moioli, “O Himatoko Ma Jouino abe o Ahia wotulihuku,” abe o Ahia gea una o Siloino ma nyawa. De o buku ma hange ma romanga, “O Himatoko o Idoika,” abe una wotobahioriki abe ahao idadi de wohitulihi ma titi o Nebata ai ngofaka o Yerobeama.