1 Kokoano 11:28 - Ma Jou ai Demo-demo o Totobelohoka

²⁸ De o Yerobeama gea, una o goduuru de duru iwimagawe wokarajaanga de ai hiakunu la ai karajaanga wao itiai. De o Saloomo wimake abe o Yerobeama ka idadi o karajaanga ma tagongo ma amokika wale. Ho o Yerobeama gea wigorakiye abe wihikuaha de wihitagongo unangika la wahiaturu o nyawa abe yotobakarajaanga genangoka. De abe o Saloomo wahikarajaanga gea o nau-nauru o Manase ma nyawaino de o Efaraimi ma nyawaino abe ona mata-mata o Yusupu ai totoforauku.

1 Kokoano 11:28 ပူးပေါင်းရင်းမြစ်များ

Dodadi 47:6

Ho o Mesiiri ma tonaka idadioka to onangoo manga tonaka! Ngona naa nangiriki ma tonaka abe duru irorahai la ani baba de ani gogianongoru nahigogere genangoka. Marai gea ena o Gosene ma tonaka irahai manga ngi. De nako naga onangoka abe onangohi yososawaro o aewani yopaliara gea ona nahikarajaanga la to ngohioo ahi aewani ihidopaliara.” Hokogea o Firaunu wadafongo de ai sanangi onangika.

1 Kokoano 11:26

De naga o nyawa utu abe iwilawana o Saloomoika de womatengo abe unangoo iwilawana ai romanga o Yerobeama abe ai baba o Nebata, o Efaraimi ma dutuino de una womaboa o Sereda ma kapongoka. De o Yerobeama ngoi meme mofao abe ami rokata o Nebata wohonengoka de muna gea ami romanga o ngo Serua. De ma dihira o Saloomo gea wihidadi o Yerobeama ai duduhunu abe duru wingaku unangika.

1 Kokoano 14:7

Ho ngona noliohi dika de nihingahu ahi demo naa ani rokata o Yerobeamika nato, ‘Ngohi naa ngini o Isiraele ma nyawa nia Jou o Yawe, de igoungu Ngohi naa abe tonigoraka de tonihidadi ahi nyawa manga koano.

1 Kokoano 5:16

De nagahi o nyawa yasana hange de yaratuhu hange abe yodadi o tobakarajaanga ma nyawa gea manga hohidimono ho yahiatu-aturu ma karajaanga gea mata-mataika.

Matiusu 11:30

De nako nihiniiki Ngohi gea ko nihuhaua. De abe nia hiningaka ko tinihitubuhoua masara ahao ka ma goguwini dika ti ngini nia hiningaka.” De hokogea o Yesusu wahoko o nyawa la iwiniiki Una.

Higalioli 1:12

De ngaro ahi hininga ma sanangi naga nginika masara nagali ahi kangela ma amoka, de enangoo ihititi nginioka! Ho done sarakia ka idadi tapoa ahi tagongo gea? Angamoi ngohi kiani ka ihikaika tiniduhunu de nia kangela homoi-homoi de tiniurusu ma oraha ngini nimahiketehigurubungu.