1 Kokoano 11:21 - Ma Jou ai Demo-demo o Totobelohoka

²¹ Ho ipahaino de o Hadada woihene ma abari ma titi o Dautu de ai tentara ma hidimono o Yoaba ona yahinooto yohonengoka. De woihene ipaha de woiki witutumu ai opo o Mesiiri ma koanoika. De o Hadada witemo unangika wato, “Ngohi tomagahoko tato o Mesiiroka naa de tosobo la ka idadi tolio ahi tonakika.”

1 Kokoano 11:21 ပူးပေါင်းရင်းမြစ်များ

Dodadi 45:24

Hokogea o Yusupu ai ria-dodoto wahidailako manga perelu de ahao wahigunoa la yolio, de wahibehehongo onangika wato, “De gea o ngekomika ufa nimakokangamo!” Hokogea wahitiari o Yusupu.

2 Samuele 3:21

De gea o Abanera witemo o Dautika wato, “Nako ngona nosanangi, ngohi ka idadi toiki de taahoko o Isiraele ma nyawa mata-mata la yokokiboa yomatoomuino ngonaka de iwigoraka la yomahikoano ngonaika. De gea ka idadi ona mata-mata yomahibehehongo la yodadi ani kokawaaha de ininii-niiki ngonaika. De ahao ngona ka idadi nahipareta mata-mata imaketero hoka ani hininga ma mau.” De o Dautu wosanangi ai demoika ho wihidingoto o Abanera la ka idadi wakokiahoko o Isiraele ma nyawa mata-mataika. De gea o Dautu wisanangi dika o Abaneraika ma oraha una wosobo.

1 Kokoano 11:20

Ho o ngo Tapenese ngomi dodoto gea ipahaino de muna momagerewoto de o Hadada ona yamake manga ngofaka o nauru. De ona iwihiromanga unangika o Genubata, de manga ngofaka gea ngoi ayo o ngo Tapenese mipaliara o koano ai tauoka. Abe una wolamoko ai ama ma koano ai tauoka, ho ma koano ai ngofaka ma nauru ma dutu yodadi hoka ai ria-dodoto de una womanoa manga hidogoronaka. Hokogea o Hadada de to una ai tau manga ade-ade.

1 Kokoano 11:22

Masara ai opo ma koano wipaluhu wato, “Ma titi o kia hiadono ani hiningaka nato nosobo? Done naga ani kuranga naangoka ho nato nolio ani tonakika?” De o Hadada witemoli wato, “Koua, duru ko iwa ahi kuranga. Masara ka ngohi dika ahi mau la tolio ahi tonakika.” Ho ma koano wihigunoa ho wosobo wolio o Edomika, de ipahaino una de o Saloomo yomaketeliliara de yomakalawana.

1 Kokoano 2:10

De ahao o Dautu wohonenge de iwilungunu o Yerusaleemoka, abe ma kota ma ngioka gea ihiromanga ato o Dautu ai kota, ho genangoka iwipohuku.

1 Kokoano 2:34

De o Saloomo wotemo ipahaino de ahao o Benaya wosobo wigilioli o Yoabika de wihohonenge unangika. Wihohonenge ipaha de ahao o Yoaba ai honenge gea yao doka ai tauika o tonaka ma homoaka de genangoka iwilungunu.

Huhupu 4:19

De o Musa genangoka o Midiana ma tonakokahi abe ko wosobouahi o Mesiirika de Ma Jou o Yawe widuhunu la ufa wohawana wato, “Musa, ufa nohawana kiani noiki dika noliohi o Mesiiri ma tonakika angamoi o nyawa gea abe ma dihira ato initoma, ona gea yokokihonengoka.” Hokogea Ma Jou wihingahu.

Matiusu 2:20

De wihingahu wato, “Yusupu, nengokadau ona ato o Yesusu iwitoma, ona gea yohonengoka. Ho naa nomomiki la ngini nilio o Isiraele ma tonakika ngona de o Yesusu de ngoi meme.” Hokogea Ma Jou ai malaekata ai demo o Yusupika.

Yosua 2:21

De o ngo Rahaba mosanangi manga demoika gea ho mato, “Itiai nia demo, ho ngohi tosanangi dika taniiki nia demo mata-mata.” Ka de hokogea yomakoketemo ibooto de muna mahiguti de yapake ma tali gea la ka idadi ona yahinooto gea yosobo. De gea ipaha de muna mohiliko ma bulu ma doka-dokara ami jendelaika la ami dodunguu gea idideuku doka ma poretuku imaketero hoka ona imihibehehongoka.

1 Samuele 9:26

De ma dawangeino ahao itawange de o Samuele wiahokoka o Sauliye wato, “Saulu nomomikoka! Naa adonoka kiani ngona nosobo.” Hokogea dika de o Saulu womataiti womahidiai de genangoka una de ai dodiawo yosobo yomakiniiki de o Samuele.