1 Kokoano 11:20 - Ma Jou ai Demo-demo o Totobelohoka

²⁰ Ho o ngo Tapenese ngomi dodoto gea ipahaino de muna momagerewoto de o Hadada ona yamake manga ngofaka o nauru. De ona iwihiromanga unangika o Genubata, de manga ngofaka gea ngoi ayo o ngo Tapenese mipaliara o koano ai tauoka. Abe una wolamoko ai ama ma koano ai tauoka, ho ma koano ai ngofaka ma nauru ma dutu yodadi hoka ai ria-dodoto de una womanoa manga hidogoronaka. Hokogea o Hadada de to una ai tau manga ade-ade.

1 Kokoano 11:20 ပူးပေါင်းရင်းမြစ်များ

Dodadi 21:7

Sarakia, ma dihira naga o nyawa iwilaru o Abarahaamika ato, ‘O ngo Sara ahao naga ami ngofaka abe muna ma hirete ka idadi mihuhu.’ Duru ko moiua ka idadi yofikiri ahao idadi hokonaa! Masara abeika, ahi rokata naa iwiperekioka de ngohi ma hirete ka idadi tihidoaka ai ngofaka abe tihuhu naa.” Hokogea o ngo Sara ami garago ma demo.

1 Kokoano 11:19

De ipahainoli de o Mesiiri ma koano gea duru wisanangi o Hadadika hiadono wihidoaka unangika ngoi fekata ngomi dodoto la womiilaka de muna. De ma koano ngoi fekata gea ami romanga o ngo Tapenese.

1 Kokoano 11:21

Ho ipahaino de o Hadada woihene ma abari ma titi o Dautu de ai tentara ma hidimono o Yoaba ona yahinooto yohonengoka. De woihene ipaha de woiki witutumu ai opo o Mesiiri ma koanoika. De o Hadada witemo unangika wato, “Ngohi tomagahoko tato o Mesiiroka naa de tosobo la ka idadi tolio ahi tonakika.”

1 Samuele 1:24

Ho ipaha o Samuele ai lamoko adono abe ka idadi womatingaka ngoi memeino de ahao o ngo Hana miao Ma Jou o Yawe ai Tauika ngaro una duru ka o ngofakohi. De manga huhuba ma kiahonanga utuoli yao abe naga manga hapi ma nauru ma taongo hange ibooto, de naga o gandumu ma ngedere abe idadioka o tarigu ma alu-aluhu ngade-ngade o supa monaoko de hinooto. De nagali o angguru ma teongo o ngi moi iomanga de manga ngi gea abe manga biaha yodiai o kabingi ma kaiino. De mata-mata gea yao ma oraha ona yoiki Ma Jou o Yawe ai Tauika abe o Silo ma kotaka.