1 Kokoano 10:8 - Ma Jou ai Demo-demo o Totobelohoka

⁸ De abeika ani duduhunu manga ngoe de ona gea abe initobaleleani ani tauoka, abe ona duru youtumu de yamake ma hiowa ma amoko angamoi ona o wange-wangeiye naga ngonaka de ka ihikaika yoihene ani sosawaro ma demo.

1 Kokoano 10:8 ပူးပေါင်းရင်းမြစ်များ

1 Kokoano 10:7

Masara tomangaku ma dihira ngohi ko tongakuahi o nyawaino ma abari ma titi ngona, ma ka de ngohi toboaino de ahi lako hinooto tamake de duru igoungu mata-mata. Abeika ngaro ani sosawaro de ani karajaanga ma hasili ma hononga dika de o nyawa ko yangodumuahi yoade-ade. Utuohi to ngona natilakurika ma rorahai abe ona ihihingahu ngohino.

1 Kokoano 12:6

De ahao o Rehabeama woiki yapoperekika abe ma dihira iwiduhunu ai baba o Saloomo de ai hiaturu ma putuhu de wahingahu abe o kokawaaha manga hohidimono manga gogahoko de waleha onangika, wato, “Ho nako ngini, sarakia niato ngohi kiani tapaluhu onangika?”

Sosawaro 10:21

Ona abe yaniiki ma totiai gea o nyawa manga ngoeika yahitofo de manga demo ma totiaiino. Masara o bodo ma nyawa ona ma hirete manga wowango yomatoma angamoi ko yomahitoonangua o sosawaro ma gou-goungu ma demo ho ona yomangiriki ko itaanua de yomaputuhu ko itiaiua.

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Sosawaro 8:34

“O nyawa abe ka ihikaika ihihigihene ngohi o sosawaro ahi demoino, ona gea abe yamake ma hiowa to ona manga wowangoka. Ho ona abe ka ihikaika ihihigihene gea imaketero hoka o wange-wangeiye yoboa ahi tau ma ngoranino la ka ihikaika yoihene to ngohi ahi demo onangika angamoi ona duru yoigo de manga gimonoka o sosawaro ma demoika. De ko iwa ma oraha la ahi ngorana tatatoko la ko ihimakeokaua ho ka ihikaika ihidamaa genangoka angamoi ona yoigo la onangoo yososawaro!

Lukasa 11:28

De o Yesusu wopaluhu wato, “Iya, nagoungu, masara hongoli o nyawa manga sosanangi ilamoko abe yototoihene Ma Jou ai Demo-demoino de yatobaniiki enangika.”

Lukasa 11:31

“De masara abe ngini naa ka niaoluku nitoihene ahi demoino, ho ahao kiani nia hohowono niamake nginika. De naa ma ade-ade moi tinihihohininga nginika la ka idadi nimafikirohi genangino. Angamoi ahao ma oraha Ma Jou watailako o nyawa mata-mataika de naga momatengo abe ka idadi minitaere nginika ma titi nia howono. De muna abe ma dodihiraino ma oraha o Saloomo de munangoo modadi o koano abe imaketero hoka o Saloomo unangoo wokoano. Masara to muna ami tonaka imakitingaka kohagurutika de o Isiraele ma tonaka, de ami tonaka gea ihiromanga o Seba. De ngaro ami gogere kohagurutika masara muna motagi-tagi moboaino o Isiraele ma tonakino la mato mitutumu o Saloomo. Angamoi muna moihenoka abe to Saloomo ai sosawaro ka to unangohi ikurutiye nako de o nyawa utu mata-mataika manga sosawaro. De muna duru moigo mototoihene to una ai sosawaro ma demoino. Masara abe ti ngini nia hidogoronaka naa de naga womatengo abe ka to Unangohi ai sosawaro ikurutiye nako de o Saloomo ai sosawaro. De ngaro ma sosawaro naga naangoka masara ngini ko iwa nia magawe la nitotoihene genangika. De genangino ma titi hiadono munangoo abe ma dodihiraino mokoano, muna ahao dokengika ka idadi minitaere nginika Ma Jou ai himangoka. Abe ma titi ahao muna mihigaro Ma Jouika mato, ‘Ngaro ka nahohowono onangika gea mangale ma titi ona manga doihene ko iwa.’” De ahao o Yesusu wato, “De to muna gea ami demo inihitaana nginika angamoi ngini naa ko nitoiheninoua to Ngohi ahi sosawaroino.”