1 Kokoano 10:7 - Ma Jou ai Demo-demo o Totobelohoka

⁷ Masara tomangaku ma dihira ngohi ko tongakuahi o nyawaino ma abari ma titi ngona, ma ka de ngohi toboaino de ahi lako hinooto tamake de duru igoungu mata-mata. Abeika ngaro ani sosawaro de ani karajaanga ma hasili ma hononga dika de o nyawa ko yangodumuahi yoade-ade. Utuohi to ngona natilakurika ma rorahai abe ona ihihingahu ngohino.

1 Kokoano 10:7 ပူးပေါင်းရင်းမြစ်များ

1 Kokoano 10:6

De muna mihidaere o Saloomoika mato, “Ma dihira ani ade-ade toihenoka to ngohi ahi tonakoka abe ma titi ani karajaanga ma hasili de ani sosawaro de duru igoungu ma ade-ade gea mata-mata abe naa ngohi tamakeoka.

1 Kokoano 10:8

De abeika ani duduhunu manga ngoe de ona gea abe initobaleleani ani tauoka, abe ona duru youtumu de yamake ma hiowa ma amoko angamoi ona o wange-wangeiye naga ngonaka de ka ihikaika yoihene ani sosawaro ma demo.

Maruku 16:11

De gea mahingahu onangika mato, “O Yesusu Una wowangoli! Ahao kangano ngohi timake!” Masara ami demo gea o Yesusu ai dodiawo ko yongakua.

1 Korintusu 2:9

Masara ona gea ko yataokua ai sosawaro, ho duru igoungu ma demo-demo abe ma dihira itulihuku, ato, “Naga Ma Jou ai sosawaro abe o nyawa de manga lako ko ma moiuahi yamake, de naga abe o nyawa de manga ngauku ko ma moiuahi yoihene, de nagaoo abe o nyawa manga hininga ko ma moiuahi la yataoko ma titi genangino, masara Ma Jou ai sosawaro gea wahidiai la waduhunu onagona dika abe iwidora Unangika.”

1 Yohanese 3:2

Ahi gogianongoru abe duru tinidora nginika, ngone hagoungu hodadioka to Ma Jou ai ngofa-ngofaka! De gea ngaro duru hohiorikoka abe ai ngofaka hodadioka, masara naga ma titi moi abe ngone ko hohiorikuahi. De gea ko hohiorikua abe ma titi ahao dokengika de to ngone nanga rupa ahao hokokia. De ngaro nanga rupa dokengika ko hohiorikuahi masara ma oraha naa de duru hohiorikoka abe ahao ma oraha womahimatoko de gea to ngoneoo nanga rupa idadi abe hoka to Unangoli ai rupa. Angamoi ma oraha gea de ahao ngone ka idadi himake Unangika abe ai rupa ma gou-goungu. Ho gea to ngoneoo nanga rupa ma hungioli kiani naga la ka idadi homarihimanga ngone de Una.