1 Kokoano 10:3 - Ma Jou ai Demo-demo o Totobelohoka

³ De o Saloomo ami leleha mata-mata wapaluhu de ko iwa moi abe ko wataanua angamoi wososawaro womihitararono de ma titi o kia dika abe genangika ami leleha.

1 Kokoano 10:3 ပူးပေါင်းရင်းမြစ်များ

1 Kokoano 10:1

De naga momatengo o koano abe o Sieba ma nyawa manga tonakoka mahikoano de muna moihene o Saloomo ai ade-ade abe duru o nyawa yahiheranga de itagi o tonaka mata-mataika ai ade-ade. De ma oraha muna gea moihene o Saloomo ai ade-ade de muna momaputuhu mato kiani mitutumu. Ho muna ahao moboa o Yerusaleeme ma kotaino de muna mato o Saloomo mitaili de ami leleha ma ngoe abe duru ihuha o nyawa yapaluhu.

1 Kokoano 10:2

De ami nyawa duru ko manga ngoe iminiiki ami dodagioka de naga manga unta ma ngoe abe to ena ma gina o rampa-rampa, de o gurasi ma dutu kohaamoko, de o hakaru kohangoe ma hohailoa abe o fara ma ngoe naga ma leto-letongo ena gea abe duru ihali ma ija. De o ngo koano gea de o Saloomo ma oraha yomarihimanga de mihingahu unangika abe naga ami hininga momahidiaioka ami leleha unangika.

1 Kokoano 10:4

De gea o ngo koano o Siebaino ka de mamake o Saloomo ai sosawaro de hokokia ma rorahai ai koano ma tau abe womadiai, de muna duru moheranga.

1 Kokoano 3:12

Ho mangale ma titi ani gogahoko gea irahai ho ka idadi tohimoteke enangika. Abe Ngohi tonihidoaka ngonaika o sosawaro de o tobahioriki ma amoko hiadono ngaro onagona dika ma dodihirainohi de onagona dika abe nanga himangika masara duru ko yaiwa abe manga hininga imaketero hoka to ngonali ani hininga!

2 Tawari 9:2

De o Saloomo ami leleha mata-mata wapaluhu de ko iwa moi abe ko wataanua angamoi wososawaro womihitararono de ma titi o kia dika abe genangika ami leleha.

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Matiusu 13:11

De o Yesusu wapaluhu onangika wato, “Ma dihiraino o nyawa ko ihiorikuahi Ma Jou ai dogogono abe ma titi hokokia Una wahikoano ai nyawaika. Masara ma oraha naa Una ai dogogono gea winihimatokoka nginika abe nihinii-niiki la wato ngini ka idadi nihioriki. Masara naga o nyawa utuoli gea abe tanu ko iwa manga hininga Ma Jouika ho Una ko wahidoakua onangika la wato ufa ihioriki.

Yohanese 7:17

De ngini ka idadi nihioriki ahi dodotoko Ma Jouoka de aino. Angamoi ngaro onagona dika ma nako yairiki la ato yaniiki to Ma Jou ai hininga, gea ka de yoihene ma titi abe tadotoko onangika de ihioriki gea Ma Jouino dika de ma dodotoko gea ko Ngohinoua dika ma titi.”

1 Korintusu 1:30

Masara igoungu ngini naa niamakeoka nia gogere ma gurutiye, angamoi Ma Jou Una ma hirete winigoraka ngini la nia gogere naga o Yesusu Kristusoka. Abe ma titi Ma Jou ai hidee wato wihidadi o Yesusu Kristusu to ngone nanga ngekomo la Una ka idadi wonaduhunu nanga howo-howonino. De nako Una gea, ngone ka idadi hihiromanga hato Una gea Ma Jou ai sosawaro, angamoi Ma Jou ai sosawaro mata-mataika imanoa o Kristusoka. De gea Ma Jou ai sosawaro la o Yesusu Kristusino Ma Jou wonaetongo ngone hototiai Ma Jou ai himangoka, de duru Una gea ma titi ho hiadono ngone wonahidadi Ma Jou ai debi-debini ma nyawa, de nagali abe o Yesusu Kristusu, Una gea wonabangu ngone naa la wonahiluasa nanga howonino. Ho duru ma titi o Yesusoka dika hiadono nia gogere gea ikurutiye Unangoka.

Kolose 2:3

Angamoi duru o Kristusoka dika naga imanoa ma tobahioriki mata-mata abe inahiakunu ngone la hiadono ka idadi Ma Jou ai hininga hohioriki. De ma tobahioriki gea tohiketero de o hakaru duru ma leto-letongo abe duru de ma ijaka.