1 Kokoano 10:22 - Ma Jou ai Demo-demo o Totobelohoka

²² De o Saloomo naga ai kapa yahidete o duduono moi abe homoi-homoiika naga o nau-nauru yatobaao de ai kapa gea imakokiniiki de o Huramoli ai kapa o duduono moi. De ona yohidete ihidulu-dulu moduku o nuu-nuuhika la yomaketeturuuru o kiahonanga, de o taongo hange ma moi yolio o Isiraele ma tonakino. De manga kiahonanga ihibare-barene ma hali-hali dika, abe o gurasi, o haaka, o gaja ma hihipata, o mia ma amoko abe yotobapaliara, de o totaleo duru ma rorahai abe ona yokaya-kaya dika yotobapaliara abe ma ija kohahali, de ena gea mata-mata idadi o Saloomo ai kiahonanga.

1 Kokoano 10:22 ပူးပေါင်းရင်းမြစ်များ

Dodadi 10:4

De hokogenangoo de o Yafete ai ngofaka o Yawana abe to unangoo ai totoforauku. Ona yomahitoomu o Yawana ai ngofa-ngofakuku manga roma-romangika hokonaa: naga yomahiromanga o Elisa ma nyawa, de utu o Tarasiisi ma nyawa, de o Kitimi ma nyawa, de utuoli o Dodanimi ma nyawa.

1 Kokoano 10:18

De ahao o koano womadiai ai kadera duru ma amoko abe yobilere de o aewani o gaja ma hihipatino de ahao ihilape ma poretino de o gurasi ma dutu.

1 Kokoano 10:21

De o Saloomo ai mangko mata-mataika yodiai o gurasino de to una ai dodai mata-mata abe yapake o koano ai tau ma goronaka ma romanga o Libanono ma fongana ma tau, enangoo yokokidiai o gurasino. Masara ai tauoka gea de ko iwa ma kiahonanga abe yodiai o haakaino, angamoi ngaro o haaka biaha ihali masara ma oraha o Saloomo de o nyawa yaetongo ato gea ngade-ngade ko iwa ma ija angamoi iwoeholi ma tonakoka gea.

1 Kokoano 22:48

De ma oraha gea doka o Edomo ma tonakoka de ko iwa manga koano, masara naga womatengo abe iwiahoko manga gubernuuru abe wahipareta onangoka.

1 Kokoano 22:49

De ma oraha o Yosafata wohikoano de una wahuloko ai nyawa la yodiai o kapa ma ago-agomo ma ngoeika. Abe ma koano ai hininga la to una ai nyawa ka idadi yotagi-tagi yohidete o gahioka hiadono o Ofiri ma tonakika de genangoka yamake o gurasi de gea yao unangino. Masara ngaro yodiai ibooto ai kapa gea ma ko yomahiadonikaua o Ofiri ma tonakika angamoi o Esiono Geberokahi de ma kapa gea ikokirusakoka.

1 Kokoano 9:26

De nagahi o Saloomo ai karajaanga moioli abe wodiai ma oraha gea. Abe una wahikarajaanga ai nyawa la o kapa ma ngoe yodiai o Esion Gebere ma kotaka. De ma kota gea imanoa o Edomo ma tonakoka o Bongo-bongo ma gahi ma ngigorino, de ma ngi gea hatoli imakitigino de o Eloto ma kapongo.

2 Tawari 9:21

De o Saloomo naga ai kapa yahidete o duduono moi abe homoi-homoiika naga o nau-nauru yatobaao de ona gea yoboa ma koano o Huramoka de yaino. De ona yohidete ihidulu-dulu moduku o nuu-nuuhika yomaketeturuuru o kiahonanga de o taongo hange ma moi yolio o Isiraele ma tonakino. De manga kiahonanga ihibare-barene ma hali-hali dika, abe o gurasi, o haaka, o gaja ma hihipata, o mia ma amoko abe yotobapaliara, de o totaleo duru ma rorahai abe ona yokaya-kaya dika yotobapaliara abe ma ija kohahali, de ena gea mata-mata idadi o Saloomo ai kiahonanga.

Yunusu 1:3

Masara ka de gea woihene de o Yunusu ko wosanangiua hiadono Ma Jou o Yawe ai himangoka de waino woara, ho wosobo wato woiki o Tarasiisi ma kotaika. De una wato o kapa waniiki ho ihira woiki o kota moiika ma romanga o Yopa, abe o gahi ma datekoka. De genangoka waika de wamake o kapa moioli ato yoiki yohidete o Tarasiisi ma kotaika. Ho ai dodagi ma hewa gea wohidoakoka de wofarene o kapaoko, wato woiki o Tarasiisika la una de Ma Jou yomakitingaka kohagurutika.