1 Kokoano 10:2 - Ma Jou ai Demo-demo o Totobelohoka

² De ami nyawa duru ko manga ngoe iminiiki ami dodagioka de naga manga unta ma ngoe abe to ena ma gina o rampa-rampa, de o gurasi ma dutu kohaamoko, de o hakaru kohangoe ma hohailoa abe o fara ma ngoe naga ma leto-letongo ena gea abe duru ihali ma ija. De o ngo koano gea de o Saloomo ma oraha yomarihimanga de mihingahu unangika abe naga ami hininga momahidiaioka ami leleha unangika.

1 Kokoano 10:2 ပူးပေါင်းရင်းမြစ်များ

Dodadi 18:33

Hokogea yomakoketemo ibooto de Ma Jou o Yawe wosoboka. Ho gea o Abarahaama ka wolio ai tauika.

1 Kokoano 10:10

De ahao muna ami hadia mihidoaka o Saloomoika duru ilamoko abe o gurasi ma dutu o kilo o sana iata ifoloi ma dubuho. De ami hidoaka utu o rampa-rampa naga o fara ma ngoe abe utu ma bounu duru ma rorahai abe genangino o manyanyi o nyawa yodiai. De nagaoo o hakaru kohangoe ma hohailoa abe o fara ma ngoe naga duru ileto-letongo mata-mata. De abe ma titi ami hadia ma rampa-rampa ko ma moiuahi ona o Isiraele ma nyawa yamake manga tonakoka abe ena gea irorahai imakadaene abe hoka ena gea o ngo koano o Siebaino mihidoaka unangika.

1 Kokoano 10:3

De o Saloomo ami leleha mata-mata wapaluhu de ko iwa moi abe ko wataanua angamoi wososawaro womihitararono de ma titi o kia dika abe genangika ami leleha.

2 Kokoano 5:5

De ai koano unangoo o moholehe ami demo wohimoteke de wihibehehongo o Naamanika, wato, “Naamana, ngohi duru toigo la ani pado gea itogumu ho noiki nilingiri Ma Jou ai uru ma dodofangika gea. De ihira kiani noiki nitutumu o Isiraele ma koanoika ho ngohi tosanangi tonihidiai o hurata abe ka idadi nihidoaka o koanoika gea.” Ho o Naamana wohidiai ai hidoaka la ahao o duduhunu ka idadi wahibalaha. De ai hidoaka gea ko ihutulua, masara duru kohaamoko abe naga o haaka ma dutu o kilo o ratuhu hange de moruata, de o gurasi ma dutu o kilo moributaanga de tufange, de o pakeanga o pasanga ngimoi. De gea mata-mata wohidiai ibooto de una wosobo.

2 Kokoano 5:9

Ho o Naamana woiki una de ai dodiawo mata-mata abe iwiniiki de naga manga kuda de manga goroba ma ngoe. De ahao yoboa o Elisa ai tauino de o Naamana widodamaa ai tau ma ngoranoka abe doka ai hiningaka womatemo, wato, “Marai una gea bootino Ma Jou ai uru ma dodofanga wohupu wohiduhunu.”

Huhupu 25:6

De ona ihihidoakoo o saitunu ma minya abe yapake manga posioka, de to ena ma hisapuru abe ahao ngini nihisapuru o minyauku la nihitunguu ma minya gea nihidingakoka Ngohino. De ma hisapuru abe ka idadi ihihidoaka Ngohino enangoo ma kiahonanga abe niapake la nidiai o manyanyi abe ma bounu duru ma rorahai.

Lukasa 24:15

De abe yomakoketemo manga gogiriakahi de o Yesusu Una ma hirete yomakamake de ona ho womahitigino la yomakiniiki manga dodagioka.

Hidingoto 25:23

De ma dawangeino manga koano o Agaripa de o ngo Berenike yoboaino o dodoomu ma ngioka, de gea manga boa ma hiaturu duru ma hohailoa abe o nyawa mata-mataika duru yahoromati de yadafongo irahai ma titi una manga koano ma tonakoka gea. Abe naga yomakiniiki de ona yahinooto gea o tentara manga hohidimono de o kotaoo ma hohidimono. De ona yomahiadonoka de ahao o Fetusu wahuloko ai nyawaika la o Paulusu iwiao manga hima-himangino.