1 Kokoano 1:53 - Ma Jou ai Demo-demo o Totobelohoka

⁵³ De o Saloomo wotemo ipahaino de ahao wahidingoto ai nyawa yamuruono naga o huhuba ma ngiika la iwile o Adonia gea de iwiao ma koano ai himangino. Ho una woboa de womamotumuku ma koano o Saloomo ai himangoka. De ahao ma koano witemo unangika wato, “Ngona ka idadi nolio dika ani tauika.”

1 Kokoano 1:53 ပူးပေါင်းရင်းမြစ်များ

2 Samuele 1:2

De ahao ma wange hangeoka de womatengo ka o goohi abe o Saulu ai tentaraino manga dodogumino woboa. De woboa o Sikaga ma kotaino de naga ma abari wototaka. De una gea ai pakeanga wakakihoka de duru wokutu ai mumukuku de o tonaka ma kafo la wohitunguu abe duru wohuha. Ka de womahiadono o Dautu ai himangino de womahimotumuku o tonakuku la duru wohitunguu ai horomati o Dautika.

1 Kokoano 1:16

De o ngo Baseba muna momamotumuku ai himangoka. De ahao o Dautu womileha munangika wato, “Iya, ngohi fekata. Marai ani perelu o kia naga?”

1 Kokoano 1:31

De o Dautu wotemo ibooto de ngoi fekata o ngo Baseba momamotumuku ai himangoka de ahao motemo mato, “Ahi baluhu de ahi koano, ngohi tonganono la ka ihikaika to ngona ani wowango naga de ma owaka duru ma hohailoa!”

1 Kokoano 1:52

De o Saloomo woihene ai demo gea abe iwidofanga unangika de ahao wotemo wato, “Nako hoka o Adonia gea ai datoro irahai dika de naga ai horomati ngohino ahao ngohi duru ko kia-kiaua todiai unangika. Masara nako hiadono una wohilawana ngohino de ahao kiani iwihohonenge.”

1 Kokoano 2:1

De o Dautu ai gahe itigioka, ho wiahokino ai ngofaka o Saloomo de wihibehehongo unangika.

1 Kokoano 2:36

De gea ipaha de ahao o Saloomo wibehehongo o Simei la woboa ai himangino. De una woboaino de ma koano wihuloko unangika wato, “Ngona ka idadi nohigoko ani tau ma hungi o Yerusaleeme ma kota ma goronaka de nomanoa genangoka. Masara ufa hiadono ngona nohupu ma kota ma hoanika. Abe ngaro noigo noiki o kia-kiaika dika masara duru ko idadiua.