1 Kokoano 1:45 - Ma Jou ai Demo-demo o Totobelohoka

⁴⁵ De ahao o Gihonoka de o Sadoko de o Natana ona iwihituagi de o minya la iwihitunguu una gea wodadioka manga koano. De gea ipaha de ona yosobo yodoa daku ma kotaiye, de o nyawa mata-mata duru yogogarago de iwihinere-nere ma titi manga koano ma hungi gea. Ho marai gea ena ma titi hiadono ngini niihene o nyawa manga hagaaga gea.

1 Kokoano 1:45 ပူးပေါင်းရင်းမြစ်များ

1 Kokoano 1:40

De ipahaino de o Saloomo una gea wolio daku o Yerusaleemiye, de ma nyawa iwihidoduruino mata-mata. De utu onangino yowuu-wuwu manga sulingi la ona mata-mata ka idadi iwihinere-nere manga koano ma hungi. De manga hagaaga ma oraha gea duru ilamokiye hiadono ma tonaka genangoka duru itodara.

1 Kokoano 1:44

Abe ma koano wahidingoto ai nyawa o Sadoko de o Natana de o Benaya de ona iwitobagoa-goana ma koano la iwile o Saloomo. De ona iwitemo unangika la ka idadi wofarene ai baba ma koano ai keledai ma poretuku.

1 Kokoano 14:6

De ipaha muna momahiadono ai tauika de o Ahia ka idadi woihene ami lou ma ilingi ma oraha momahitigino ho womiahoko wato, “O Yerobeama ngoi fekata, ngona ka idadi naino nowohaminohi! De naa tonileha, done adodoa ho ngona nomadokangelukino hoka o nyawa biaha dika? Masara ngohi naa Ma Jou wohihulokoka wato kiani tadofanga ngonaika o hininga ma huha ma abari.

Esara 3:13

Ho imahikasapuru manga ilingi abe ona yoari de ona abe de manga garago ihiboa-boaka manga higiriiri ka hiadono ko idadiokaua o nyawa utu yahikohowono manga ilingi duru kohaamokiye. De manga higiriiri ma gigoro gea ka idadi o nyawa yoihene ngaro yomakitingaka ma gurutika.

1 Samuele 28:14

De o Saulu womilehali wato, “Ho nako ngona duru nomalega unangika de hokokia to una ai rupa?” De gea muna mopaluhu mato, “Una gea abe woboaiye marai o nauru abe iwiperekioka, de una womahikorobiti de o baju ma guru-gurutuku!” Ami demo gea o Saulu woihene de ahao una duru wohioriki abe una gea wagou-goungu o Samuele. Ho una womaponuku ka hiadono ai pea itiki ma tonakuku la womahimatoko ai horomati o Samuelika.

1 Samuele 4:5

De ma oraha o Isiraele manga tentara yamake Ma Jou o Yawe ai Behehongo ma Peti iboaino manga dodogumu ma ngi ma goronaino de ona duru yomahagaaga. De manga garago ma ilingi kohaamokiye hiadono ma tonaka genangoka de ma dibiingoka.