1 Kokoano 1:42 - Ma Jou ai Demo-demo o Totobelohoka

⁴² De una wotemo ai gogiriakahi de naga o Yonatana abe o Abiatara ai ngofaka una woboaino onangino. De o Adonia wimake ho wiahoko la womahitigino wato, “Ngona nowohamino dika, angamoi to ngona ani gogere ikurutiye ho tonganono naga ngonaka o abari ma rorahai abe ka idadi nomihingahu ngomino.”

1 Kokoano 1:42 ပူးပေါင်းရင်းမြစ်များ

1 Kokoano 1:41

De doka o Adonia de ai nyawa manga ngolo-ngolomoka de ona ngade-ngade yolomo ibooto de gea yoihene ma guguli ma ilingi de o nyawa manga hagaaga. De ahao o Yoaba woihene gea ho woleha wato, “Done ma titi o kia hiadono naga o nyawa manga hagaaga daku ma kotaka gea?”

1 Kokoano 1:43

Masara o Yonatana una wopaluhu wato, “Marai ahi demo ko inihisanangiua! Angamoi naa kiani tonihingahu abe nanga baluhu o Dautu una wigorakoka ai ngofaka o Saloomo ho wihidadi o koano.

1 Kokoano 22:18

De ahao o Ahaba witemo o Yosafatika wato, “Gea! Hoka kangano totemoka, una gea ai demoino de duru ko ma iwa abe wato ma rorahai tamake. Ka o kangela de o bodito dika wohihingahu wato ahao ngohi taohana!”

Yesaya 57:21

De hokogenangoo o nyawa yotobatorou manga wowango, ho ona gea duru ko amakeua o hininga ma miriidi.” Hokogea to ngohi ahi Jou ai demo.