1 Kokoano 1:4 - Ma Jou ai Demo-demo o Totobelohoka

⁴ De o ngo Abisaga muna duru morahai de mitobaleleani ma koano o Dautu ai perelu o wange-wangeiye. Masara muna de ma koano ona duru ko yomakitigiua.

1 Kokoano 1:4 ပူးပေါင်းရင်းမြစ်များ

Dodadi 12:11

Ngade-ngade yomahiadono o Mesiiri ma tonakika de o Abaraama womihingahu ngoi fekatika wato, “O ngo Sarai, tohioriki o nyawa mata-mata inihigiriiri ma titi ani hailoa angamoi ngona duru norahai.

1 Kokoano 1:3

Ho gea igoungu abe ona duru yolingiri o Isiraele ma tonaka ma amokika la ka idadi imimake o moholehe momatengo abe duru mohailoa. De ma bahauku imiiriki o Suneme ma nyawa momatengo ami romanga o ngo Abisaga. De muna gea imiao manga koanoika.

1 Kokoano 1:5

De naga o Dautu ai ngofaka womatengo ai romanga o Adonia de una gea ngomi meme o ngo Hagiti. Abe una ai riaka o Abasalomo widatekuku, masara ai riaka gea wopahaka. De o Adonia una duru worahai, de ai baba o Dautu duru ikuranga widotoko unangika. Ho ai datoro o kia dika wodiai masara ko iwa ma hohowono ai babaka de aino, ka wihigunoaika dika wodiai. De abe ma oraha o Dautu iwiperekioka gea de o Adonia woigo wituruuru ai baba la unangoli wodadi manga koano. Ho una watoomuino o kuda de o parangi ma goroba ma ngoe, de nagali ai nyawa yamoritoa abe wahuloko la ona iwitobagoana.

1 Kokoano 2:17

De una womitemo munangika wato, “Ngohi tomagahoko la ngona noiki nanga koano o Saloomoika de nohihidemo unangika ma titi o ngo Abisaga abe o Sunemoka ma ngofeka gea. Angamoi nako ngona nohihidemo ani ngofaka o Saloomoika de ahao bote una wonihigihene. Abe ngohi toigo la o ngo Abisaga gea tomihidadi ngohi fekata.”

1 Kokoano 2:21

Ho muna motemo mato, “Ngohi togahoko la o Suneme ma ngofeka gea o ngo Abisaga nomihidoaka ani riaka o Adoniaika la una womihidadi ngoi fekata.”

Matiusu 1:25

De ngaro yomahitaumoioka masara ona ko yomatoomuahi ka hiadono ami ngofaka womaboahi. De ami ngofaka gea iwihiromanga o Yesusu.