1 Kokoano 1:38 - Ma Jou ai Demo-demo o Totobelohoka

³⁸ Ho ona gea duru yaniiki manga koano ai demo onangika. Abe o Sadoko de o Natana de o Benaya, de nagali ona iwitobagoa-goana ma koano abe o Kereta ma nyawaino de o Pelete ma nyawaino, ona mata-mata yohupu de yokokiloiki o Saloomoika. De iwiadono unangika de iwihigaro la o Saloomo wofarenuku ai baba ai keledai ma poretuku. De wofarenuku ibooto de ahao ona iwihihira-hira o Gihonika gea.

1 Kokoano 1:38 ပူးပေါင်းရင်းမြစ်များ

2 Samuele 13:29

Ho ipaha abe ma oraha adonoka de to una ai duduhunu gea iwihingounu ho iwitoma o Anono. De ma koano ai ngofa-ngofaka utu yamake ma datoro gea de duru yohawana ho yomataiti yofarene manga keledai homoi-homoi ma poretuku de yosobo yoara ma hoanika.

2 Samuele 8:18

De nagali o Benaya o Yoyada ai ngofaka, una gea o Dautu ai gogoana ma nyawa manga hidimono. De nako o Dautu ai ngofa-ngofaka o nauru onangoo yodadi manga hidemo ma nyawa Ma Jouiye.

1 Kokoano 1:26

Masara una gea marai ko womiahokua ngohi naa de o Sadoko de o Benaya, de ngaro ani ngofaka o Saloomo, una duru ko womiahokua ngomi naa.

1 Kokoano 1:33

Yoboaka ai himangoka de una wahuloko wato, “Ngini niatoomuino ahi nyawa yamuruono naga la nimakutuono niloiki ahi ngofaka o Saloomoika. De ahao nidiai la una wogogeruku to ngohi ahi keledai ma poretuku. De gea ngini mata-mata ka idadi niwihihira-hira ma jobuubuika abe naga o Gihonoka.

1 Kokoano 1:8

Masara naga o nyawa utuoli abe ko yoigoua la o Adonia wituruuru ai baba. Abe o Sadoko manga hidemo ma nyawa, de Ma Jou ai uru ma dodofanga o Natana, de o Benaya abe una o Yoyada ai ngofaka ona ko yosanangiua de o Adonia ai hidee gea. De ngaro o Simei de o Rei de ona abe iwitobagoa-goana manga koano o Dautu, onangoo mata-mata ko iwidomotekua de o Adonia ai hininga gea la womahidadi manga koano.

1 Kokoano 2:15

De o Adonia una wotemo wato, “Marai ngona nohioriki abe ma dihiraino de tanu ngohi naa todadioka o koano, abe ma oraha gea de nanga gogianongoru o Isiraele ma nyawa mata-mata yoigo la ngohi naa tahikoano onangika. Masara ipahaino de gea duru ihikawalimoka ho hiadono ahi dodoto unangoli iwigoraka la wahikoano onangika. Angamoi marai hokogea Ma Jou o Yawe ai mau de hokogea dika Una wahikaaturu.

1 Kokoano 2:35

De ipahaino ahao ma koano wigoraka o Benaya la wituruuru o Yoaba, ho unangoli wodadi manga tentara ma hidimono wokokurutiye. De nako o Abiatara abe una ma dihiraino wodadi manga hidemo ma nyawa Ma Jouiye, unangoo naga ai duruuru. Abe ma koano wigoraka o Sadoko la wituruuru o Abiatara gea.