1 Kokoano 1:16 - Ma Jou ai Demo-demo o Totobelohoka

¹⁶ De o ngo Baseba muna momamotumuku ai himangoka. De ahao o Dautu womileha munangika wato, “Iya, ngohi fekata. Marai ani perelu o kia naga?”

1 Kokoano 1:16 ပူးပေါင်းရင်းမြစ်များ

1 Kokoano 1:15

De womidotoko ipaha de ahao muna moiki de mowohama ami rokata ai kamara ma goronaika. De naga genangoka o ngo Abisaga mileleani o Dautu ai pereluika angamoi una duru iwiperekioka.

1 Kokoano 1:17

De muna mipaluhu de ami demo imakiniiki de abe o Natana kangano womidotokoka. Ho muna mato, “Ahi baluhu, ma dihiraino de naga ani behehongo ma demo moi abe gea nohihibehehongo ani Jou o Yawe ai himangoka. De ani demo ma goronaka gea de ngona nato ahao nanga ngofaka o Saloomo una wonituruuru la wodadi o koano de wogogeruku to ngona ani kaderauku.

1 Kokoano 1:23

De ma koano ai duduhunu ona iwihingahu ato, “Mia koano, naga woboaka Ma Jou ai dodofanga o Natana.” De ahao o Natana woboa de womamotumuku ma koano ai himangoka.

1 Kokoano 2:20

De mogogerukuoka de muna motemo mato, “Naga moi dika tomagahoko, de duru toigo la ufa nohioluku masara ka idadi ngona nosanangi nohiduhunu ngohino.” De una womipaluhu wato, “Abeika nomagahoko dika. Angamoi ngona naa ngohi meme, ho done sarakia tonioluku ani demo?”

Estere 7:2

De imaketero hoka kanugono ami ngolo-ngolomo ma goronaka abe adonoka ma oraha ona yahange o angguru ma gohaka yaokere de o koano ma moioli womileha o ngo Esterika, wato, “Sarakia Estere, naa ka idadi ani gogahoko nohihingahu ngohino? De ngaro o kia dika ngona noigo nomagahoko de ngohi tonihidoaka. Ho ani gogahoko o kia? Angamoi ngaro noigo la mata-mata abe ngohi tohikoano kiani taregu hinooto la ma regu moi idadi to ngona de o regu moi to ngohi ma tosanangi tonihidoaka dika.” Hokogea o Ahasi-weroso ai behehongo o ngo Esterika wohigalioli.

Matiusu 20:21

De o Yesusu wotemo wato, “Ho ani gogahoko Ngohino o kia?” De muna mopaluhu mato, “Marai togahoko tato abe ahao ma oraha o nyawa nahikoano, toigo la kiani ahi ngofaka yahinooto naa onangoo yokoano de de Ngona. De ma oraha o nyawa inihigiriiri de nogogeruku ani pareta ma kaderaka de o nyawa nahikoano, de onangoo ato yogogeruku ani arigumurukoka la to onangoo manga kuaha naga. De moi ani nirakoka yogogere, de moi ani gubadioka yogogere.”

Matiusu 20:32

De o Yesusu woihene manga demo gea de womatogumuku o ngekomoka de wahoko ona yahinootoika wato, “Ngini o kia nimagahoko Ngohino la niato tiniduhunu?”

1 Samuele 20:41

Ho ka de o ngofaka gea woiki ai gurutikaka de o Dautu wohupu ai gogogono ma ngiino abe duru imakadateke de o hakaru ma doomu gea. De o Yonatana ai himangoka ma hange o Dautu womaponuku hiadono ai himanga itiki ma tonakuku. De ona yahinooto duru manga dora itagi hiadono manga koongo itifa angamoi kiani yomakitingaka ho yomakokooino yoari-ari de yomahiketehilooa. Ma nako o Yonatana ai huha de o Dautu ai huha ma ka o Dautohi ai hininga duru ihuha.

1 Samuele 24:8

De o Saulu ko wokurutikauahi de o Dautu unangoo wohupu o arukino de o Saulu wiboaka, wato, “Ahi baluhu, nanga koano!” Ka de ai demo o Saulu woihene de womadogilioro wolega o aruku ma bionika de wimake o Dautu womaponuku o Saulika hiadono ai pea ngade-ngade itiki o tonakuku.

1 Samuele 25:23

Ka de o ngo Abi mimake o Dautu de momataiti mouti ami keledaioka de mauku ma tonakuku. De ahao muna duru momaponuku ai himangoka.