1 Kokoano 1:12 - Ma Jou ai Demo-demo o Totobelohoka

¹² Ho naa marai ngohi ka idadi tonihidoaka ma ngekomo la ufa ngona de ani ngofaka o Saloomo ufa initoma nginika.

1 Kokoano 1:12 ပူးပေါင်းရင်းမြစ်များ

Dodadi 19:17

Ho ona yahihupuoka ma kotaino de o malaekata womatengo witemo o Lotika wato, “Naa ngini niloara done nihonenge! De ufa nimadogilioro! Nimataiti nimapopaata hiadono nidoa dakena ma loku-lokuiye de ufa nimatogu-togumu o kiaka dika ma dolaka naa la ufa nginioo nihonenge.”

1 Kokoano 1:13

De hokonaa tonidotoko ma ngekomo abe koaho ngona naniiki. Irahai ngona noiki ani rokata nanga koano o Dautika de nileha unangika nato, ‘Ma dihiraino naga ani behehongo ma demo abe nohihibehehongo ngohino nato ahi ngofaka o Saloomo ahao wonituruuru de wodadi o koano de wogogere to ngona ani kaderauku. Sarakia, gea ani behehongo ma demo ko nawohanguahi? De nako ani demo gea igoungu, done sarakia hiadono ma oraha naa de o Adonia womagoraka wato unangoli wonituruuru de wodadi o koano?’ Hokogea ngona kiani nileha ani rokatika.

1 Kokoano 1:21

Ho ngohi tato irahai tomataiti tonihingahu ngona ahi koanoika abe hokokia idadioka. Angamoi nako hoka ko iwa ani putuhu de ani baha adonoka, done ahao ka de nopaha de ngohi de nanga ngofaka o Saloomo imitaokino de ka imihohonenge ngomi.”

Sosawaro 15:22

Nako nanga dodiawo manga hininga ma higaro ko halegaikaua / haetongua, ahao nanga hidee ko idadiuali. Masara iti nanga dodiawo yowoe de manga higaro homahiuku-ukurika, gea ahao nanga hidee de ma hasiloka.

Matiusu 21:38

“Masara ka de yogoa-goana iwimake de iwihioriki abe ma redi ma dutu ai ngofaka woboaino de ona yomahikagaro ato, ‘Una gea o redi ma dutu ai ngofaka. Abeika hitoma la naa ai oara mata-mata homahitongoneoka dika!’

Hidingoto 27:31

De gea o Paulusu wotemo ma tentara de manga hihiraika wato, “Nako ngini niahigunoa la ona yoara, ahao ngini mata-mata nikokihonenge. Ho ufa hiadono ona inanoaika!”

Hihira 9:5

De ahao una de ai nyawa gea yomakutuono yoiki ai baba ai kapongika abe ma romanga o Ofara. De genangoka ona yatoma ai baba o Gideono ai ngofaka yamoritumidi, abe ona gea manga baba womatengo masara manga ayo yomaleko. De gea ona mata-mata yatoma o hakaru ma amoko moi ma lokuoka. Masara nako ma ngofaka duru ma baha o Yotama, una dika ko iwidaenua angamoi una wakunu woara de womagogonika.