SAN MATEO 6:30 - New Testament in Mixtec Coatzospan

³⁰ Tē xeꞌé Xuva kō é kuān nte váꞌa ito laa san é kāntíto vevií ne, utén koko meꞌñú ñuꞌu kán ne, ¿ñā ntu te dií dií ka taꞌxi ña é kunūu nto, ntoꞌo é ña ini kuintíꞌxe ntiꞌxe nto?

SAN MATEO 6:30 ပူးပေါင်းရင်းမြစ်များ

SAN MATEO 14:31

Ura tsí i nakurkáa Jesuu ntáꞌa ña ne, nātava ña ña. Kakaꞌan ñá ni ñā: —¡Nté ō ntú iña o é ña kákuintiꞌxe o! ¿Nté kui ña ni kuintíꞌxe ntu o? —kaꞌan ña.

SAN MATEO 16:8

Īni Jesuu née iña ntádē kuení ña ne, kakaꞌan ña: —¡Mpá! ¿Nté kui ña ntákuintiꞌxe váꞌa ntu nto? ¿Nté kui ntaítsuꞌun ntu nto tē ña ni ido nto tañúꞌū san?

SAN MATEO 17:17

Kakaꞌan Jésuu: —¡Nté o ntu! ¿Nté kui ña ntákuintiꞌxe ñaꞌa sán ko, ña e ntáde é kīni kaa? ¿Tɨ̄tɨ́n ka ntu ntuvi kutíi ú ni ntō? Kixníꞌi nto na īꞌa —kaꞌan ña.

SAN MATEO 8:26

Kakaꞌan Jésuu ni ña: —¿Nté kui ntaúꞌvī ntú nto? ¿Nté kui ña kueꞌe ntu ntákuintiꞌxe nto? —kaꞌan ña. Kidáā ne, nákuntītsí ña, kakaꞌan ñá ni tātsín san ni ntūte sán ne, kūkadin.

SAN MARCOS 4:40

Kidáā ne, kakaꞌan Jésuu ni ña ntɨníꞌi ñā: —¿Nté kui ntaúꞌvī ntú nto? ¿Ña ntákuintiꞌxe ntu nto tsi dóo kaꞌnu Xuva kō? —kaꞌan ña.

SAN MARCOS 9:19

Kidáā ne, kakaꞌan Jésuu: —¡Ña ntâꞌví nto, ñaꞌa é ña ntákuintiꞌxe nto! É tɨ̄tɨ́n ntuvi tuví u ni ntō ne, váta kuintīꞌxe nto ko. ¿Tɨtɨ̄n ntú ntuvi kutuví ka ú ni ntō da nté kuīntiꞌxe nto ko? Kixniꞌi nto īꞌxá san —kaꞌan Jésuu.

SAN LUCAS 12:28

Te Xuva ko kāxéꞌe ña e dóo váꞌa ito kuꞌu é kaa má kūꞌú kān vevií ne, tevāá ne, tutun kuvi ne, ¿ñā ntu te dií ka kueꞌe kuenta víi ña nto nēe é kuꞌun nto, ntōꞌo é ña ntákuintiꞌxe nto?

SAN LUCAS 9:41

Nantíko kōó Jesuu, kakáꞌan ña: —¡Ntoꞌō é ntoo nto vevií ne, ntē ña ntákuintiꞌxe nto! ¡Dōó doꞌo nto! ¿Nté ntu kaa ntuvi é kutūví u ni ntō, é kūtíī kó nimá ko ni ntō? —kaꞌan ña. Kidáā ne, kakaꞌan ñá ni uva īꞌxá san: —Taꞌxin iꞌxá o iꞌa —kaꞌan ña.

SAN JUAN 20:27

Kidáā ne, kakaꞌan ñá ni Tūmaá san: —Nakɨ̄ꞌvín rkɨntaꞌa o iꞌa ne, koton ntaꞌa kó san ve. Tāꞌxin ntaꞌa o, dá nakɨ̄ꞌvín xkɨntikā kó san. Ñá ku kuān nte dóꞌon; na kuīntiꞌxe o ko —kaꞌan ña.

HEBREOS 3:12

Kōto nto, táꞌān kó, te nté uun nto ña ku ntukáꞌxi nima nto é ña kii nteé xio nto Xuva kō, ña kantíto san, é ña xtuví mii ntō é kuīntiꞌxe nto ña.

1 PEDRO 1:24

Tsí uve naꞌa kakaꞌan túꞌun Xuva kō: Un ntɨɨ́ ntɨ̄ɨ́ ñaꞌa sán ne, vata ntáa xuku ntáa ña. E dóo nuu áꞌvi i iña ña vevíi ne, vata ntáa laa xuku ntáa. Kaxiꞌi dií xuku i sán ne, kanakóꞌxo laa i,