SAN MATEO 22:21 - New Testament in Mixtec Coatzospan

²¹ Ntákaꞌan ña: —Íña ña tsiñu naꞌnu i ñuú Romá san —kaꞌan ña. Kidáā ne, kakaꞌan Jésuu ni ña: —Nakuéꞌe nto ntaꞌa ña tsiñu naꞌnu i san nee é kāduku ntée ña ne, nakuéꞌe nto ntaꞌa Xuva ko nēe é kāduku ntée ña dɨ —kaꞌan ña.

SAN MATEO 22:21 ပူးပေါင်းရင်းမြစ်များ

SAN MATEO 22:20

Kakaꞌan Jésuu ni ña: —¿Xoó ntu nuu i é ntee íꞌa? ¿Xoó ntu dɨvī í e ntée naꞌá san? —kaꞌan ña.

SAN MATEO 22:37

Kakaꞌan Jésuu ni ña: —“Kuinima nto Tóꞌo nto Xuva ko kanɨɨ̄ nima ntó, kanɨɨ̄ é tduiña nto, kanɨɨ ūꞌxen dɨkɨ nto.” Kuan ō kaꞌan Xúva kō.

SAN MATEO 4:10

Kidáā ne, kakaꞌan Jésuu ni i: —Kūnun, tóꞌō e ña váꞌā, tsí uve naꞌa kakaꞌan Túꞌun Xuva kō: “Da mii tsi Xuva kō é kunuu inī ó ña, da mii tsi tsīñu ña é vīin.” Kuān ó uve naꞌa —kaꞌan ña.

SAN MARCOS 12:17

Kidáā ne, kakaꞌan Jésuu ni ña: —Váꞌa ō é nākuéꞌe o ntāꞌa ña tsiñu naꞌnu i nee iña é kāduku ntée ña ne, váꞌa ō é nākuéꞌe o ntaꞌa Xuva kō nee iña é kāduku ntée ña dɨ —kaꞌan ña. Koó dā kúduꞌva ñaꞌa san e dóo ini Jesuu nté koo nantiko koō ña é kākaꞌan ña.

SAN LUCAS 20:25

Kidáā ne, kakaꞌan Jésuu: —Kuéꞌe ntō ña tsiñu kaꞌnu i san nee é kāduku ntée ña ne, kuéꞌe nto Xuva kō nee iña é iña ña —kaꞌan Jésuu.

SAN LUCAS 23:2

Ikān éni ntuꞌu ñā daꞌví ña ña dovete, ntákaꞌan ña: —E níꞌī ntɨ́ ñatīi saꞌa é kanatɨvī ñá ñuú ntɨ. Kakaꞌan ñá tsí ña váꞌa ō e ntáꞌvi ntɨ́ diuꞌun xôo íña ñuú Romá san. Kakaꞌan ñá dɨ tsí dɨvi ñā é Cristu ñá, dɨvi ñā é kuvi ña reí dɨ —kaꞌan ña.

HECHOS 4:19

Ntá tsi Pedru ní Juaán ne, nantíko koō ñá, kakaꞌan ñá ni ñā: —Mii nto kadā kuení nto ve. ¿Nee iña é dií ka vaꞌa é vīí ntɨ, te kuinī nto: é kuintiꞌxe ntɨ é ntákaꞌan ntó ne, ō é kuintiꞌxe ntɨ é kākaꞌan Xúva kō?

HECHOS 5:29

Kidáā ne, Pedru ní pustru ñá nguiī sán ne, nantíko koō ñá, ntákaꞌan ña: —Dií dií ka nuu áꞌvi é kuīntiꞌxe ntɨ́ Xuva kō é ñaꞌa san.

ROMANOS 13:7

Kuéꞌe nto ñā é un ntɨꞌɨ̄ é kāduku ntée ña. Tē neé diuꞌun kaíkan ñá tsiñu i sán ne, ntáꞌvi nto. Tē diuꞌun xóo kaikan ñá ne, kuéꞌe ntō dɨ. Te kāꞌnu ñaꞌa ña né, kuiko ñuꞌu nto ñā.