SAN MATEO 20:23 - New Testament in Mixtec Coatzospan

²³ Kakaꞌan Jésuu ni ña: —Ntoꞌo ntiꞌxe nto vata koo ntoꞌo ko, ntá tsi ña te xúꞌú kaduku ntée u é kuēꞌé u xoó kutūvi í diñɨ kuaꞌa kó, ō xoó kutūvi í diñɨ datsin ko, tsí Xuvā ko e dé kuꞌvē ña xoo é kuntoo dadɨɨ i nī ko —kaꞌan ña.

SAN MATEO 20:23 ပူးပေါင်းရင်းမြစ်များ

SAN MATEO 13:11

Kakaꞌan Jésuu ni ña: —Ntōꞌó ne, ntáduku ntée nto é kūtuni nto nuu i é iō xuꞌu iña i mí kadē kûꞌvé Xuva kō, ntá tsi ña ntáduku ntée tuku ñaꞌa san.

SAN MATEO 20:24

Dā kútuni uꞌxi ñáꞌa ña nguiī sán ne, kūdiin ñá nī Juaan ni Sántiaú san.

SAN MATEO 25:34

Kidáā ne, xuꞌu é Rei ú kaꞌán u nī ña ntoo diñɨ kuaꞌa ko: “Kiꞌxi nto, tsi dóo ntio Uva kó nto. Kuntōo nto mí kadē kûꞌvé Xuva kō tsi é īó tuꞌve iña nto un tsi nte díꞌna dá de kúꞌvē ñá ñuxiví san.

SAN MARCOS 10:40

Ntá tsi é kuntōo nto diñɨ kuaꞌa ko o diñɨ datsin kó ne, ña kúvi tāꞌxi u, tsí mii Uva ko īni ña xoo é kuntōo i diñɨ ko —kaꞌan Jésuu ni ña.

HECHOS 12:2

Tēe tsiñu ña sntadún san é kīkaꞌní ña Santiau, ení Juaan. Kāa é ntiko ntuví o diñɨ i éꞌnté tuꞌun ña dɨ̄kɨ ña.

ROMANOS 8:17

Tsí da xé iꞌxá Xuva kō kúvi ō ne, níꞌi ko īña Xuva ko e xtûví xio ña iña iꞌxá ña. Dadɨɨ tsi niꞌi ko ní Cristu. Tsí tē dadɨɨ ntóꞌo ko nī Cristú ne, dadɨɨ xiꞌí nuu kaꞌnu o ni ñā dɨ.

1 CORINTIOS 2:9

Ntá tsi uve naꞌa kakaꞌan túꞌun Xuva kō: Núu ī é vāta kiní o, é vāta tekú kō, é vāta kɨꞌɨn dɨkɨ kó ne, é xtūví tūꞌvé Xuva ko nūu i tsíkan iña ñaꞌa, ña é ntákuinima í ña, kaꞌan túꞌun ñā.

2 CORINTIOS 1:7

Dōó kaꞌnu kuiní ntɨ ni ntō tsí iní ntɨ tsí te kuān o ntántoꞌo nto vatā o ntántoꞌo ntɨ́ ne, kuan tsī ó kanatsuꞌun kaꞌnu Xuva ko inī ntó vata tsī ó de ña nī ntɨ.

COLOSENSES 1:24

Dōo diní ko tsí kantoꞌo kó kuenta iña nto, tsí duꞌvā ó kantoꞌo kó vatā o ntóꞌo Cristu kuénta iña ña ntákuintiꞌxe i.

HEBREOS 11:16

Ntá tsi ntio ña uun ñuu é dií ka vaꞌa. Ntio ña kuntōo ña e dukún kān. Dukuān ne, ñá ni kūkaꞌan nuu Xúva kō tsi ntákaꞌan ñáꞌa san tsí Xuva ñā né, xtūví tuꞌvē ñá ñuú mí kuntōo ña e dukún kān.

APOCALIPSIS 1:9

Xuꞌu é Juaán u ne, taꞌan ko ūn ntɨɨ́ ntɨ̄ɨ o. Dadɨɨ tsi ntántoꞌo ko kuēnta iña Jesúcristu, tsí uun tsō nuu Xuva kó ne, dadɨɨ tsi kataꞌxi Jesucristu é na kāꞌnu tsi vii ó nima ko. Nuu kutū ú ñuú Patmu é tuvi méꞌñu ntute ñūꞌu san kuenta iña túꞌun Xuva kō, é kakaꞌán u xoo é Jesucristu.