SAN MARCOS 2:25 - New Testament in Mixtec Coatzospan

²⁵ Ntá tsi kakaꞌan Jésuu: —¿Ña íni ntú nto nté ō dé uvata ko Dāvii da taan núu ña ni ña ntɨniꞌi ñā da kákɨn ña?

SAN MARCOS 2:25 ပူးပေါင်းရင်းမြစ်များ

SAN MATEO 19:4

Kakaꞌan Jésuu ni ña: —¿Vāta nakuáꞌa ntu nto túꞌun Xuva kō mí kākaꞌan tsí dɨvi ñā é dēváꞌa ña ñaꞌa ne, dē kúꞌvē ñá ñatīí ni ñadɨ̄ꞌɨ é kuntōo dadɨɨ ña?

SAN MATEO 21:16

Ntákaꞌan ñá ni Jēsuu: —¿Ña katéku ntu nto tsí dovéte ntákaꞌan iꞌxá san iña nto? —kaꞌan mastrú leí san. Kakaꞌan Jésuu ni ña: —Katekú ko nté ō ntákaꞌan. Vāta kiní ntu nto mí kakāꞌan túꞌun Xuva kō: Iꞌxá kuetsī sán ni īꞌxá ɨkɨn ne, xéꞌe Xuva kō é kāta é vāꞌá kueꞌen Xúva kō. Kuan ō kaꞌan —kaꞌan Jésuu.

SAN MATEO 21:42

Kakaꞌan xtúku Jesuu ni ña: —Vāta nakuaꞌa ntu nto mí ūve naꞌa kakaꞌan túꞌun Xuva kō: Xuu é nakuītá ña ntádamá san ne, dɨvi kūvi xuu kuꞌve etɨ́ viꞌi san. Sáꞌā né, Xuva kō de kúꞌvē ñá ne, íña kō né, dōo váꞌā o dé ña, kaꞌan.

SAN MATEO 22:31

Kuenta iña í te ntoto xtuku ō né, vāta ntu nakuaꞌa nto mí kakaꞌan túꞌun Xuva kō:

SAN MATEO 4:2

Úvi dīkó ntuvi, úvi dīkó niñu ña ni eꞌxí ña ne, kidáā né, kākɨn ña.

SAN MARCOS 12:20

Uun ito ne, xío ūꞌxe ení ña. Iꞌxá nuu í san ne, tāntaꞌa ña. Dā xiꞌi ñá ne, váta kōó iꞌxá ña.

SAN MARCOS 12:26

Kuenta iña i e ntóto ña xiꞌí san ne, ¿vāta nakuaꞌa ntu nto tutu e xtûví Muiseé san, mí uve naꞌa iña xuku é kaiꞌxi? Ikan kākaꞌan Xúva ko ni Muīsee: “Xuꞌú ne, Xuva uvata ika nto Ābraan ni Ísaa ni Jácoo”, kaꞌan ña.

SAN MARCOS 2:24

Īní ña fariseú san é kuān ó de ña ne, ntákaꞌan ña: —¿Nté kui ntákatsin ntu ña xoko trigú san? Ñá vāꞌá ō é kada tsiñu o ntūvi dá iō dáꞌna, tsi dóo xii kaa é kuān koo vii o —kaꞌan ña.

SAN MARCOS 2:26

Tsí kɨꞌví ña iní viꞌi Xuva kō kidáā dá tuví dutu ñá odo nūu, ñá nani Abīata. Davií ne, íkan ña tāñúꞌu kuíko san é kāꞌxi ñá ni ña ntɨniꞌi ña, kuān te dóo xií kaa, tsí da mii tsī dutú san é kūvi kaꞌxí ña tañúꞌū e kúviko san —kaꞌan ña.

SAN LUCAS 10:26

Jesuú ne, kakaꞌan ña: —¿Nte ntū ó uve naꞌa lei e xtûví Xuva kō? ¿Nte ntū ó kakaꞌan, te kuiní o? —kaꞌan ña.