SAN LUCAS 23:40 - New Testament in Mixtec Coatzospan

⁴⁰ Ntá tsi ña uun ñaꞌa sán ne, kakaꞌan ñá ni tāꞌan ña: —¿Ña kaúꞌvī ntú o Xuva kō? Tsí dɨvīn né, dɨvi tsi nūu i kantóꞌo o dɨ.

SAN LUCAS 23:40 ပူးပေါင်းရင်းမြစ်များ

SAN MATEO 20:9

Ña xee kaéku uꞌun kuáa ne, níꞌi ña xāꞌví ña é uun ntúvi.

SAN MATEO 8:26

Kakaꞌan Jésuu ni ña: —¿Nté kui ntaúꞌvī ntú nto? ¿Nté kui ña kueꞌe ntu ntákuintiꞌxe nto? —kaꞌan ña. Kidáā ne, nákuntītsí ña, kakaꞌan ñá ni tātsín san ni ntūte sán ne, kūkadin.

SAN LUCAS 12:5

Ntá tsi kakaꞌán u ni ntō xoo é dií ka uꞌvī nto. Uꞌvī ntó ña é kūvi nakiꞌi ntuvi iña nto ne, da katé nuu ña nto dôꞌvi kan. Dɨvi ñā é uꞌvi ntíꞌxe nto ña.

SAN LUCAS 23:39

Uun ñaꞌa ñā duꞌú san, ña nteé ntiká krusí san ne, kakaꞌan ña: —¡Tē nuu é ntaā i é Cristún ne, nakākún miīn kúñu ō ne, nakākún ntɨ dɨ! —kaꞌan na.

SAN LUCAS 23:41

Ntá tsi xoꞌō né, iō nuu i e ntántoꞌo kō, tsi ntantáꞌvi o kuētsí kō e ntúku nuu ō. Ntá tsi ña sāꞌá ne, ñá tē neé kueꞌen tsí ni īde ña é kīni kaa —kaꞌan ña.

EFESIOS 5:11

Ñá ku dotō tsí kini nuu nto nuu i e ntáde ña e ntaíka mí ñɨnēe, tsí ña kaidiáꞌvi. Ntá tsi nañeꞌē ntó ña tsí ña te váꞌa o ntáde ña.

APOCALIPSIS 15:4

¿Vá iō ntú xoo é ña káūꞌví i nto, Xuvā ntɨ? ¿O iō ntú xoo é ña káꞌan i e dóo kaꞌnu nto? Tsí da mii xntō é vāꞌá ntiꞌxe nto. Xée ñāꞌa da míꞌī ká ñuu é kāda kaꞌnu ña nto. Tsi dîto e dóo váꞌā ó kade kúꞌvē nto, kuan ō íta ña.

APOCALIPSIS 16:11

Ntá tsi dā dií dií ka ntákaꞌan kíni ña iña Xuva ko, ña tuví e dukún kān, tsi dóo ntántoꞌo ña e ntáteꞌu ña tɨntuꞌxé san. Ntē ña ni natɨvi iní ña nuu ī e ntáde ña.