HECHOS 9:4 - New Testament in Mixtec Coatzospan

⁴ Nantúve Saúlu ñuꞌu kān ne, kidáā téku ña uun tatsin é kākaꞌan ni ña: —Saúlū, ¿nté kui kanantōꞌon ntun ko? —kaꞌan tátsín san.

HECHOS 9:4 ပူးပေါင်းရင်းမြစ်များ

SAN MATEO 25:40

Kidáā ne, xuꞌu é Reí u ne, káꞌān ú ni ñā: “Nuu é ntaā i é kākaꞌán u ni ntō, tsí da kuān ó de nto ni tāꞌan nto, ña é dií ka dutsi ne, vata te xūꞌu kuán o de nto nī ko”, koo kaꞌán u.

SAN LUCAS 10:41

Ntá tsi Jesuú ne, nantíko koō ñá, kakaꞌan ñá ni ñā: —¡Aí, Marta! Dōó kadē kuení o. ¿Nté kuān nte kueꞌe ntu núu i é kadē kuení o?

SAN JUAN 18:6

Dā kaꞌan Jésuu tsí dɨvi ñā ne, un ntɨɨ́ ntɨ̄ɨ́ ñaꞌa san nákaka ata ñā; ntāva ña kueꞌen ñá ñuꞌu kān.

SAN JUAN 20:16

Dá kakāꞌan Jésuu ni ña: —¡Maríā! —kaꞌan ña. Dā xkókoto ña, kakaꞌan ñá ni ña tūꞌun hébreú san: —¡Rabuni! (é kāni túꞌun Mastru) —kaꞌan ña.

SAN JUAN 21:15

Dā kuvi éꞌxi ña ne, kakaꞌan Jésuu ni Símuun Pedru: —Simuun, íꞌxá Juaan, ¿vā dií dií ka ntu kakuinima ó ko é sāꞌa? —kaꞌan ña. Kakaꞌán Pedru ni ña: —Ini ntú ku nto, Mastru, tsí ntio kó nto —kaꞌan ña. Kakaꞌan Jésuu ni ña: —Kuéꞌēn é kāꞌxí a leꞌntú ko sán ni —kaꞌan ña.

HECHOS 5:10

Ura tsí i nantúve ña nuú Pedrú ne, xíꞌi ñā. Kidáā ne, xée na kuetsī sán ne, īní na tsi é xiꞌi ña. Tāvá na ña é kíkūꞌxí na ña diñɨ xɨɨ ña.

HECHOS 9:5

Kidáa ne, tsixeꞌē Saúlū: —¿Xoó ntu ñaꞌa nto? —kaꞌan ña. Ne, kakaꞌan tátsín san: —Xuꞌu é Jesuu. Dɨvī ú e dóo kanantōꞌon ko. ¿Nté kui kantukun kuīꞌin míin ntun kúñu ō? —kaꞌan ñá nī Saúlū san.

ROMANOS 11:22

Koton tsi dóo vaꞌá Xuva kō ne, ntá tsi dóo diin ñá dɨ. Tsi dóo diin ñá nī ña ntáde é kīni kaa, ntá tsi dóo vaꞌá koo vií ña ni o te vīín nee iña é ntio ña. Tē ñaꞌá ne, kaꞌnté tuꞌun ñá o dɨ.

1 CORINTIOS 12:12

Kūñú kō né, kuān te dóo tɨtɨ́n taꞌvi i īó ne, uun tsi kúñū kúvi. Kuān tsi kaa kúñū Cristú dɨ.

1 CORINTIOS 4:7

¿Xoó ntu kantaváꞌa ñaꞌa i nto te dií ka vaꞌá ñaꞌa nto é vata kaa ña nguiī san? ¿Nee iñá ntu īo íña nto é ña ni taꞌxi Xuva ko? Ntá tsi te taꞌxi Xuva kō ne, ¿nté kui kade kaꞌnu ntu nto vata sá tē kuenta iña mii nto ni níꞌi nto?

EFESIOS 5:30

tsi ntáduku ntée ña ña. Xoꞌō né, kuān o ntáduku ntée o kúñū Cristú dɨ. Tsí dadɨɨ tsi kúñū kúvi o ni ñā.