HECHOS 4:26 - New Testament in Mixtec Coatzospan

²⁶ Kuntañɨ̄ ntée ntɨɨ́ ntɨ̄ɨ́ rei iña ñúxivi, nātaká nuu ntɨɨ́ ntɨ̄ɨ́ predente ñúú san dá ntāa ña ata Xuva ko ní Cristu, ña nakaxnúu Xuva kō, kaꞌan Dávií san kídaā.

HECHOS 4:26 ပူးပေါင်းရင်းမြစ်များ

SAN LUCAS 4:18

Espíritu Xuva kō ne, nuu méꞌñu nuu dava ña ko, tsí dɨvi ñā teé tsiñu ña ko é kāꞌán u túꞌūn é vāꞌá ni ña ntāꞌvi. Dɨvi ñā táxnūu ña ko é kāꞌán u ni ña ñuꞌu kutū nté koo nakáku ña, nī é nākaán u ntuxnúu ña kuāa, nī é nakākú u ña ntáde xení ñaꞌa ni ī,

HECHOS 10:38

Kidáā ne, xée Jesuu, ña véꞌxi ñuú Nazaree. Tsí Xuva kō ntío ña é kūvi vií ña nee ntɨ́ꞌɨ ntɨꞌɨ, tsi dóo nuu Espíritū Sántū nima ña. Kidáā né, īka ña, kade ña nuu i é vāꞌá, kantaváꞌa ña ñaꞌa é ñuꞌu ntaꞌa tóꞌō é ña váꞌā san. Tsí mii Xuva kō nuu méꞌñu ña ña.

HEBREOS 1:9

Dōo kakuinima o nuu i é vāꞌá san ne, ña ntío kueꞌen o nuu i é kīni kaa san. Dukuān né, Xuva ko, Xuva mii ō ne, é nakaxnúu ña o e dií ka naxnuu dínī ñá nima o é ūn ntɨɨ́ ntɨ̄ɨ́ taꞌan o, kaꞌan ña.

APOCALIPSIS 11:15

Kidáā ne, ánjē, ña é kuvi ūꞌxé san ne, nakuēku ña trunpeta ña. Dîto tsí un ntii tsī ntákaꞌan tátsín e dukún kān: Un ntɨɨ́ ntɨ̄ɨ́ ñuú ñuxiví san ne, kaduku ntée Xuva kō é kadā kúꞌvē ña, ntuvi ñá Cristu, ña e táxnūu ña. Ntii dañu ntūvi é kadā kúꞌvē ña, kaꞌan.

APOCALIPSIS 12:10

Tēkú ko tsí un ntii tsi kākaꞌan tátsín san nte e dukún kān: E xée ntūvi é nakākú Xuva ko ko vē. E xée ña e dóo ntii inī ña é kadā kúꞌvē ña. Cristu, ña táxnūu ña ne, kodo núu ña é un ntɨꞌɨ vē. Tsi é nakóꞌxo nteē ñá kɨtɨ katsiꞌi kuétsi taꞌan ko ntaꞌa Xuva ko ntē ntúvi ntē níñu.

APOCALIPSIS 17:17

Tsí Xuva kō ne, xéꞌe ña ītsi reí san é viī ñá nēe é ntio ña. Xéꞌe ñā é un tsi ntáda ña xuꞌu ña é kuēꞌé ña é kadā kûꞌvé kɨtɨ san náa ñā da nté ku é kūntaa ntɨ́ꞌɨ é kākaꞌan Xúva kō.