HECHOS 3:19 - New Testament in Mixtec Coatzospan

¹⁹ Dukuān ne, nadama nto nima kíni kaa nto ne, nakuníꞌi nto nima váꞌá nto. Xnūu nto nima nto é kākaꞌan Xúva kō, vata koo é nākate ña kuétsi ntō. Kidáā ne, taꞌxi ña é nakunuu dîní nima ntó ne,

HECHOS 3:19 ပူးပေါင်းရင်းမြစ်များ

SAN MATEO 13:15

Tsí ña sāꞌá ne, é ntukaꞌxī nima ñá ne, vata te neé nuu ntído loꞌxo ña ne, kantiꞌu núu ña, vata koo é ña kiní ña, vata koo é ña tekú ña, vata koo é ña kani tútun ña, vata koo é ña káꞌān ñá nī ko é ntaváꞌa ú ña, kuan ō kaꞌan Xúva kō, kaꞌan Ísaia.

SAN MATEO 18:3

Kakaꞌan ñá ni ñāꞌa san: —Nuu é ntaā i é kākaꞌán u ni nto: Tē ña nadáma nto nima nto é kuintiꞌxe nto vatā ó de a iꞌxá kuetsī sán ne, ña kúvi kɨ̄ꞌví nto mí kadē kûꞌvé Xuva kō.

SAN LUCAS 1:16

Ña sāꞌá ne, vií ña é ñā te da díi ña ñuú Israee nakuntíkɨ̄n ñá Xuva kō.

SAN LUCAS 22:57

Ntá tsi Pedrú san ne, tee xuꞌū ña, kakaꞌan ñá ni ñadɨ̄ꞌɨ́ san: —Xuꞌú ne, ñá īní u ña é kākaꞌan ntó san —kaꞌan ña.

HECHOS 1:6

Ña nátaká nuu ni Jēsuú ne, tsixeꞌe ña ñā: —¿Vevií ntu é nakāku ntó ñuú ña Israeé san? —kaꞌan ña.

HECHOS 11:18

Dā téku ñaꞌa san é kākaꞌán Pedru ni ñá ne, ñá ni kāꞌán ka ña. Da mii tsī é dé kaꞌnu ña Xuva kō ne, ntákaꞌan ña: —Nuu é ntāa ntíꞌxe i tsí kaxéꞌe Xuva kō é vāꞌá iña ña é ña te ña Israeé dɨ. Tsí kaxéꞌe ña é kūvi natɨvi iní ña kuétsi ñā dɨ́ ne, dukuān é nīꞌi ña ntuví vaꞌá iña ña ntaꞌa Xúva ko vata ō niꞌi ko xoꞌo —kaꞌan ña.

HECHOS 11:21

Xuva kō xntíi ña ña ne, dukuān né, tɨtɨ́n ñaꞌa, ña é ña te ña Israeé san tsóo mii ña nēe é kuíntiꞌxe diꞌna ña ne, eni ntuꞌu ñā kuíntiꞌxe ña Tóꞌo kō.

HECHOS 15:3

Kuéꞌēn ña kuíntiꞌxe i san, kuntéka itsi ña ña. Dā ita ntíꞌxin ña ñuú Fenicia ni ñuú Samariá ne, ikān ntáa ña ni ñā nté ō kuíntiꞌxe ña é ña te ña Israeé san, é tsoo mii ñā e kuíntiꞌxe diꞌna ña ne, eni ntuꞌu ñā ntántīkɨn ñá Xuva kō. Dā téku ña kuíntiꞌxe i sán ne, dōo dîní ña.

HECHOS 17:26

ʼUun tsi nɨñɨ ko dé kûꞌvé Xuva ko un ntɨɨ́ ntɨɨ̄ o é ntoo o da kanɨɨ ñūxiví a. Mii ñā de kúꞌvē ña nté kaa ntuvi kuntoo o ñūxiví a nī míꞌi ñūú kuntoo o, xe un xé un ō.

HECHOS 2:38

Kidáā ne, kakaꞌán Pedru ni ñā: —Natuꞌvi nto kuétsi nto ntaꞌa Xuva kō ne, kutsi ntute nto xé un xé un nto kuēnta iña Jésuu, vata koo é kāda kaꞌnu iní Xuva ko kuētsí nto ne, taꞌxi ña Espíritū Sántū é kunūu ña nima nto.

HECHOS 28:27

Tsi dóo kaꞌxī nima nto, dóo loꞌo ntō, é nuu ntiꞌu ntúxnūú nto. Tsi ña ntío nto kiní nto, ñá ntīo nto kutuni nto, ñá ntīo nto kuintiꞌxe nto, ñá ntīo nto natuꞌvi nto kuétsi ntō vata koo é ntaváꞌa ú nto. Kuan ō xeꞌé Espíritū Sántū é kāꞌan Ísaia ni ñata kō kídaā.

HECHOS 3:20

taxnuu ña Jesucristu, ña é nakaxnúu ña nte ntúvi diꞌna é kodo nuū ñá kuenta iña ko.

HECHOS 3:21

Vevií ne, da miī é kutuvī ñá viꞌi antɨ̄vi, kantétu ña dā nté xee táꞌan ntuvi é ntāvaꞌa xeé xtuku Xuva ko ñūxiví, vatā ó ntákaꞌan ñá kaꞌán naa Xuva ko, ña intóo nte e náꞌa, dá xeꞌé Xuva kō é kūtuni ña nté koo kuvi.

ROMANOS 11:25

Tāꞌán, ntio ko é na tekū nto túꞌūn é iō xuꞌú iña Xuva ko, vata koo é ña ku kadá kuení mii ntō e dóo tuꞌvé nto: tsí dava tsi ña Israeé san ne, ntáde doꞌo ña kuēnta iña Xuva ko. Ntá tsi kuan ō táꞌxi Xuva kō é kūvi da nte koo é nakáku tɨtɨ́n ñaꞌa, ña é ña te ña Israeé san, vatā ó ntio Xuva kō.

2 TESALONICENSES 1:10

ntuvi dá nainu xtúku ña. Ntuvi tsikan dá nainu ñá ne, káꞌan ūn ntɨɨ́ ntɨ̄ɨ́ ñaꞌa, ña kuíntiꞌxe i, tsi dóo kaꞌnu ña. Da kudúꞌva ña kuíntiꞌxe i san tsi dóo kaꞌnu ntiꞌxe ña. Kuan dɨvi ntō dɨ́, tsi kuíntiꞌxe nto túꞌūn e ntákaꞌán ntɨ ni nto kuēnta iña ña.

2 TESALONICENSES 1:7

tē táꞌxi ña é dadɨɨ kuntoo daꞌna o ni ntō ntuvi dá ntiī dito Tóꞌo ko Jēsuu e dukún kan, nī ánje ñā e dóo iō ntíi ña. Uun kaxiꞌí nuu kaꞌnu ña te vēꞌxí ña e dukún kān.

2 TIMOTEO 2:25

Ñá ku de kāꞌnu ña dá kāꞌan ñá ni ñāꞌa, ña é ña ntákuintiꞌxe i é nuu é ntaā i, vata koo é tē kúvi ne, taꞌxi Xuva ko te nādama ña nima ñá vata koo é kuintiꞌxe ña é nuu é ntaā í san.

HEBREOS 4:1

Dukuān né, nɨɨ dukuan īó ka ntuvi é nīꞌi ko é kuntoo daꞌna o ni Xuva ko vatā o xeꞌe ña xuꞌu ñá ni ñata kō kídaā ne, koto váꞌa nto vata koo é nté uun nto ña kunáa nto.

1 PEDRO 2:25

Tsí diꞌna ne, ntaíka xaa nto vata ntáa leꞌntu, ntá tsi e ntíko koō nto mí tuví paxtu ntó, ña kanadaꞌān nima nto.

2 PEDRO 3:8

Ñá ku kūnaá ini nto sáꞌa, ēní ko e dóo ntio ko, tsi é uun ntuvi ne, vata kaa uun míil kuīa, kuini Tóꞌo kō ne, uun míil kuīá ne, vata kaa uun ntuvi, kuiní ña.

APOCALIPSIS 21:4

Xuva kō ne, nakuéꞌe ña un ntɨɨ́ ntɨ̄ɨ́ ntute nūú ñaꞌa sán ne, ña kóō ká doxiꞌi; ntē ña kuntaꞌxa iní ka ña; ntē ña kuekú ka ña; ntē ña kaxnúu ka ñā. Tsi é ita ntíꞌxin un ntɨꞌɨ̄ e kúvi diꞌna —kaꞌan tátsín san.