HECHOS 16:17 - New Testament in Mixtec Coatzospan

¹⁷ Táꞌnu sāꞌá ne, íntīkɨ́n tun ntɨ́ ne, koó da kākachuꞌu ntáa tún, kakaꞌán tun: —Ñatīí saꞌá ne, ntáde tsiñu ña kuenta iña Xuva ko, ña e dóo kaꞌnu ne, ntákaꞌan ñá ni kō nté koo nakáku o ntaꞌa Xuva kō —kaꞌán tun.

HECHOS 16:17 ပူးပေါင်းရင်းမြစ်များ

SAN MATEO 22:16

Taxnūu ña ña ntántīkɨn ñá nī ña ntántīkɨ́n Heródē san mí tuví Jesuu. Ntákaꞌan ña: —Mastrú, iní ntɨ tsi nuu é ntaā i é kākaꞌan nto, tsí kanakuāꞌa ntiꞌxe nto iña Xuva ko. Ñá kāde nto kuenta née iñá ntádē kuení ñaꞌa san. Ntē ña kaúꞌvī ntó ña, kuān te naꞌnu ñáꞌa ña.

SAN MATEO 8:29

Ntákachuꞌu ntáa ñatīí san, ntákaꞌan ña: —¿Ntē ntú koo vií nto nī ntɨ́, Iꞌxá Xuva kō? ¿Vēxnántoꞌo ntu nto ntɨ́ diꞌna dá xēe ntúvi ī é ntōꞌo ntɨ? —kaꞌan ña.

SAN MARCOS 1:24

—¿Nté kui kānateñu nuu nto ntɨ́, Jesuu, ñá ñuú Nazaree? ¿Vēxkáꞌni ntu nto ntɨ? Iní ntɨ nto, tsí Xuva kō táxnūu ña nto —kaꞌan ña.

SAN MARCOS 12:14

Xée ñā mí tuví Jesuú ne, ntákaꞌan ñá ni ñā: —Mastru, iní ntɨ tsí kakaꞌan nto é nuu é ntaā i. Iní ntɨ tsí dadɨɨ tsi kaiko ñuꞌu ntō un ntɨɨ́ ntɨ̄ɨ́ ñaꞌa, dadɨɨ tsi kade nto ni ña, kuān te ntaꞌví ña, kuān te kuika ña. Kanañēꞌe ntó ntɨ é nuu é ntaā í vata ō xtûví Xuva ko īñá ntɨ. ¿Vāꞌá ntu ō é ntáꞌvi ō diuꞌun xôó san ntaꞌa ña tsiñu i san, ō ñaꞌa, te kuiní nto? ¿Ntáꞌvi ntu ō né, ō ña ntáꞌvi ō? —kaꞌan ñá, tsixeꞌe ña ñā.

SAN MARCOS 5:7

Dōó ntii kakaꞌan: —¿Nté kui kanatekū duꞌxen ntu ntó ntɨ, Jesuu, Iꞌxá Xuva kō, ña tuví e dukún kān? Natekū ntó Xuva kō tsí ña ku nakutsuꞌun ntō ntɨ —kaꞌan é ña váꞌā san é ñuꞌu nima ñátīí san.

SAN LUCAS 1:77

Dɨvin kuēꞌen é kūtuni ñáꞌa ña tsí nakate Xuva ko kuētsí ña vata koo é nakáku ña.

SAN LUCAS 1:79

vata koo é nāxiꞌí nuu ña iña ñá ntoo mi dóo nee, mí katāvi núu ña ntatɨ̄ doxiꞌi. Nañēꞌe ñá ko ītsi mí kaka ō vata koo é kūntoo váꞌa o. Dukuan ō kaꞌan Zacária.

SAN LUCAS 20:21

Kidáa ne, tsixeꞌe ña Jēsuu: —Mastru, iní ntɨ tsi nuu é ntaā i é un ntɨꞌɨ̄ é kākaꞌan nto dá kanañēꞌe ntó ntɨ ne, iní ntɨ tsí ña káde nto kuenta ñáꞌa san nte ntáa ña, tsí kakaꞌan ntáa nto nté koo kuntoo o vatā ó ntio ntiꞌxe Xuva kō.

SAN LUCAS 4:34

—¡Na koo mii ntō ntɨ! ¿Neé ntu viī ntó nī ntɨ́, Jesuu, ña ñuú Nazaree? ¿Vēꞌxí ntu nto é nākunaá nto ntɨ? Xuꞌú ne, iní u nto, tsí dɨvi ntō e dóo vaꞌá nto iña Xuva ko —kaꞌan ni Jésuu.

SAN LUCAS 4:41

Ñá te da dīi ña ntánchokuví san ne, ntīi é ña váꞌā sán nima ña. Koó dā ntákachuꞌu ntáa é ña váꞌā san, ntákaꞌan: —¡Dɨvi ntō é Iꞌxá Xuva ko ntō! —kaꞌan. Ntá tsi de tíi Jesuu ni é ña váꞌā san. Ñá ni xēꞌé ña itsi é kāꞌan, tsí ini tsí dɨvi ñā é Cristu ña, ña e táxnuu Xuva kō.

SAN LUCAS 8:28

Dā íni ña Jesuú ne, nákunchɨ̄tɨ́ ntaa ñá nuu ñá ne, un ntii tsī kéne ña, kakaꞌan ña: —¿Neé ntu kaduku ntée nto iñá ko, Jesuu, iꞌxá Xuva kō, ña tuví e dukún kān? ¡Vií nto da xeꞌe, ñá ku kini nteē ntó ko! —kaꞌan é ña váꞌā san ni Jésuu.

SAN JUAN 14:6

Ne, kakaꞌan Jésuu ni ña: —Xuꞌu e kúvi u ítsi nto; kakaꞌán u é nuu é ntaā i né, tāꞌxi ú ntuvi iña nto. Xoxó kuvi xee i ntáꞌa Uvā kó tē ña te kuénta iñá ko.

HECHOS 18:26

Ñá te kauꞌvī ña, kakaꞌan ntódo ña ini ukún ña Israeé san. Dā téku Prisila ni Áquila é kākaꞌan ñá ne, kāna xio ña ña ne, náñēꞌé ka ñá ña iña Xuva ko.

HECHOS 19:13

Ntuvi tsikán ne, iō ñá Israee é ntaíka ña, ntánatava ña é ña váꞌā é ñūꞌu nima ñáꞌa san. Ntákaku niꞌi ña Tóꞌo ko Jēsuu dá natavā ñá ne, ntákaꞌan ña: —Kuenta iña Jésuu, ña é kākaꞌan ntódo Pablu íña i, kaꞌán u ni ō: ¡Ntíin nīma ña! —kaꞌan ña.

1 PEDRO 2:16

Kuān té xoxó ka taxnuu i nto nté koo vií nto, ntá tsi ña ku dotō tsí vií nto é kīni kaa, tsí vii nto é vāꞌá vata tsī ó de ña ntáde tsiñu iña Xuva ko.

2 PEDRO 2:2

Ñá te da dīi ñaꞌa kuntíkɨn ñá ña é viī ña é kini kaa vatā ó de ña dɨ. Kuenta iña ñá ne, káꞌan kīni ñaꞌa san íña itsí vaꞌá san.