HEBREOS 7:21 - New Testament in Mixtec Coatzospan

²¹ Un ntɨɨ́ ntɨ̄ɨ́ dutu ñá nguiī sán ne, ñá te xōó ni xeꞌē í xuꞌu i ni ñā dá kɨ̄ꞌví ña é viī ñá dutu. Ntá tsi dutu ñá saꞌá ne, nteé naꞌa mí xēꞌé Xuva ko xuꞌu ña ni ñā dá kakāꞌan ña: Xuꞌu é Xuva ō kó ne, taꞌxi ú xuꞌu kó ne, ñá nātɨvi iní ko dá kāꞌán u: “Dɨvīn né, dutun ntii dáñu ntūvi”, kaꞌan Xúva kō.

HEBREOS 7:21 ပူးပေါင်းရင်းမြစ်များ

ROMANOS 11:29

Ñá kanatɨ̄vi iní Xuva ko xōo ñáꞌa, ña é kāna ña, nte é kaxéꞌe ña dɨ.

HEBREOS 5:6

Īó ka míꞌi ūve naꞌa túꞌun Xuva kō é kākaꞌan ña: Viín dutu ntii dáñu ntūvi, vata kaa Melquisedee, kaꞌan ña.

HEBREOS 7:17

Kuvi vatā ó kakaꞌan túꞌun Xuva ko īña ña: Viín dutu ntii dáñu ntūvi, vata kaa Melquisedee, kaꞌan.

HEBREOS 7:20

Xéꞌe Xuva ko xūꞌu ña é tēe tsiñu ña Jesuu é viī ñá dutu xeé san.

HEBREOS 7:23

Ñá te da dīi dutu xió ña kídaā, tsí un ntɨɨ́ ntɨɨ̄ ñá ne, ña ni kúvi viī ñá dutu ntii dáñu ntūvi, tsí xiꞌi ñá ne, tuku ñaꞌa nakunúu ña naa ña.

HEBREOS 7:28

Lei Muíseé san ne, kadē kûꞌve é kūdii ñaꞌá san é io kuētsí ña vií ña dutu ódo nūú san. Ntá tsi xeꞌé Xuva ko xūꞌu ña dá de kúꞌvē ña rkontuvi é xēé leí san tsí Iꞌxá mii ña viī ñá dutu ódo nūú, dɨvi ñā é ña tuvi kuéꞌen tsi kuétsi ña ntii dañu ntūvi.