1 CORINTIOS 5:7 - New Testament in Mixtec Coatzospan

⁷ Nakate nto kuétsi nto vē, tsí kanatɨ́vī kúñu kō dá iō kuetsí ko, vatā ó kanatɨ́vi uꞌxen vāꞌá san dá kanakudáka niꞌi uꞌxen iā san. Na ntūváꞌa nima nto váta kaa uꞌxen vāꞌá san e nté un síin uꞌxen ia ña kadáká ka. Váꞌā o é kuān koo vií nto, tsí Cristú ne, vata kaa a leꞌntu é xiꞌí kuenta iña ko kaa ña.

1 CORINTIOS 5:7 ပူးပေါင်းရင်းမြစ်များ

SAN MATEO 13:33

Ntāa xtuku ña uun nuu i, kakaꞌan ña: —Mí kadē kûꞌvé Xuva kō ne, vata kaa uꞌxen íā kaa, é kānadaká ñadɨ̄ꞌɨ́ san uni xkuꞌve árina váta koo é nāneñu uꞌxen san —kaꞌan ña.

SAN MARCOS 14:12

Kidáā ne, xée ntūvi é kii viko da kaꞌxi ña tañúꞌū é ña kadáka uꞌxen iā, ntuvi da ntaéꞌní ña iꞌxá leꞌntú san é kāꞌxí ña iña vikó san. Ntákaꞌan ñá ntɨniꞌi Jēsuu ni ña: —¿Míꞌi ntū ntio nto é kīkaváꞌa ntɨ é kāꞌxi o vikó san? —kaꞌan ñá, tsixeꞌe ñā.

SAN JUAN 1:29

Utén san ne, īní Juaan tsí véꞌxi Jesuu mí tuví ña ne, kakaꞌan ñá ni ñāꞌa san: —¡Un kaa Á Leꞌntu Xúva kō, ña e ntáꞌvi kuétsi i īña un ntɨɨ́ ntɨ̄ɨ́ ñaꞌa, ña ntántoo ñuxiví sa!

SAN JUAN 1:36

Dā íni ña tsi ita ntíꞌxin Jesuú ne, kakaꞌán Juaan: —¡Un kaa Á Leꞌntu Xúva kō! —kaꞌan ña.

SAN JUAN 19:14

Dā káꞌñu ntuvi sispre víkó san ne, kakaꞌan Pílatú san nī ña Israeé san: —¡Un kaa rei nto! —kaꞌan ña.

ROMANOS 3:25

Tsí Xuva kō né, taxnūu ña Jesucristu é kātɨ ña nɨñɨ ñá vata koo e ntáꞌvi ñā kuétsi kō. Kade kaꞌnu iní Xuva ko ni ko te kuintiꞌxe ko Jēsuu. Tsí dɨvi ña kanañēꞌe ñá kō tsí Xuva kō né, dōo vaꞌá ña. Te kuan tsi ō nakuíta ntiꞌxin ña kuétsī ña é intóo kídaā

1 CORINTIOS 10:17

Kuān te dóo tɨtɨ́n ō ne, uun tsi tañúꞌū ntaéꞌxi o un ntɨɨ́ ntɨɨ ō. Dukuān né, uun tsi kúñū kúvi o ni tāꞌan ko.

1 CORINTIOS 5:13

tsí mii tsi Xuva kō é kāꞌan ñá te iō kuetsí ña. Ntá tsi ntoꞌó ne, naxtuvi xio nto ñatīí, ña kade é kīni kaa san.

EFESIOS 4:22

Vatā ó kanatāva o doo déꞌén san ne, kuan koo naxtūví xio nto é ntio nima kíni kaa nto, é da mii tsī e ntaéni ntaꞌví nto.

APOCALIPSIS 5:12

Un ntii tsī kéne ña, ntákaꞌan ña: ¡E dóo vaꞌá A Leꞌntu é xiꞌí san é nīꞌi e dóo kuvi vií, nī e dóo kukuikā, e dóo kiꞌin inī í, e dóo ntii inī i, e dóo kuiko ñuꞌu o ī, e dóo kada kaꞌnu o ī, e dóo nakueꞌe o sintiáꞌvi ntaꞌa i!, kaꞌan ña.