1 CORINTIOS 13:3 - New Testament in Mixtec Coatzospan

³ Te kuēꞌé u un ntɨɨ́ ntɨ̄ɨ iñá ko ña ntaꞌví san, o te kuēꞌé u kúñū ko é kāꞌmi ñaꞌa sán ne, ntá tsi tē ña kakuinimá ko ne, ñá vādá kaidiáꞌvi ko.

1 CORINTIOS 13:3 ပူးပေါင်းရင်းမြစ်များ

SAN MATEO 23:5

Un ntɨꞌɨ̄ e ntáde ña ne, ntáde ña vata koo é kīni ñaꞌa san. Ntátsuve ña tūtú e dóo nīꞌí xteén ña ni ntāꞌa ña, tutu é ūve naꞌa túꞌun Xuva kō. Ñá tē nté kaa nani ntete duꞌnu ña.

SAN LUCAS 18:22

Dā téku Jesuu sáꞌā ne, nantíko koō ñá, kakaꞌan ña: —Uun sá nuu i é kākunaá iña o: nadikon ntɨ̄ꞌɨn neé īo iña ó ne, dá tsiꞌin ntaꞌa ña ntāꞌví san, tsí kuan kōo é koo dokuika iña o e dukún kān. Kidáā ne, kiꞌxin, dá kuntīkɨ́n ko —kaꞌan ña.

SAN LUCAS 18:28

Pedrú ne, kakaꞌan ña: —Ntɨꞌɨ́ ne, é tsoo mii ntɨ̄ꞌɨ ntɨ́ iñá ntɨ e ntántīkɨ́n ntɨ nto —kaꞌan ña.

SAN LUCAS 19:8

Kidáā ne, nákuntītsí Zaqueu, kakaꞌan ñá ni Jēsuu: —Koto nto, Mastru. Kuéꞌē ú ña ntāꞌví san dava é un ntɨꞌɨ̄ é īó iñá ko. Tē xoó ñaꞌa kiꞌi dúꞌu ú iña ñá ne, nantiko kōó u kɨmi itó ka xtúku —kaꞌan ña.

SAN JUAN 12:43

Tsí dií ka ntio ña é vāꞌá koo kaꞌan ñáꞌa san iña ñá, naa i é vāꞌá koo kaꞌan Xúva ko īña ña.

SAN JUAN 13:37

Pedrú ne, kakaꞌan ñá ni ñā: —Tōꞌó, ¿nté kui ña kuvi ntu kuntikɨ́n u nto vevii? ¡Kuān te kuéꞌe ú ntuvi iñá ko kuenta iña nto! —kaꞌan ña.

SAN JUAN 15:13

Te nūu é ntaā i é kākuinima kuéꞌen ko ña e dóo váꞌa tiin niꞌi ō ne, un tsi nte ntúvi iña ko kuéꞌe o kuēnta iña ña.

SAN JUAN 6:63

Tsí Espíritū sán ne, dɨvi ñā é kātaꞌxi ña ntuvi iña ko. Ña kuntīto ó te da mii tsī kúñu kō. Tūꞌun é kākaꞌán u ni nto ne, dɨvī é vata kaa espíritū é kataꞌxi ntuvi vāꞌá iña nto.

HECHOS 21:13

Ntá tsi Pablú ne, kakaꞌan ña: —¿Nté kui dóo ntántɨꞌɨ iní nto kuenta iñá ko? Tsí dóo uꞌvi kúvi ko é kuān ó ntákaꞌan nto. Vevií ntɨká nimá ko. Xuꞌú ne, é iō tuꞌvé ko. Ñā té ini, kuān té koo kútu u, kuān té kuví u ñuú Jerusaleen kuénta iña Tóꞌo ko Jēsuu —kaꞌan ña.

GÁLATAS 5:26

Ñá kada kaꞌnu ñaꞌa ō. Ñá nakutsuꞌun taꞌan ō. Ntē ña kuneꞌu iní ko ni taꞌan kō.

FILIPENSES 2:3

Ñá tē nee iñá vií nto iña mii nto, e dóo kaꞌnu ñaꞌa ncho vií nto, ntá tsi vií nto vata kaa iꞌxá luꞌnti, vata kaa te dií ka kaꞌnu ña nguiī san é dɨvi ntō.

1 TIMOTEO 4:8

Kaidiáꞌvi kudii uun daꞌna te vīi o é kāda tsiñu kúñu kō, ntá tsi dií dií ka kaidiáꞌvi te vīi o é ntio Xuva kō. Tsi sáꞌā ne, kaidiáꞌvi nɨɨ dukuan ntoo o ñūxiví sa ne, kaidiáꞌvi dá kuntoo o ni ñā kídaā dɨ.

HEBREOS 13:9

Ñá ku kuntīkɨn ntó da nēé ka tuku túꞌūn é kākaꞌan ñáꞌa. Dií ka váꞌā o é kunūu ntii nima ko kuenta iña i é vāꞌa é kātaꞌxi Xúva ko kō né, xtuvī mii o nté xkoó ini o iña i é kāꞌxi o, é ña káꞌxi o. Tsí nuu i é kaēꞌxi o ne, ña te dɨ́vī é kaxntii kō.