SANTIAGO 4:7 - Mixtec Southern Puebla

⁷ Ñàyùcàndùá, ni cúníní‑ndá nsidaa ñà‑ndùá dandacú‑yá, doco ñà‑ndùá cuní ña‑malu, còó; iin‑ni màsà cuáha‑nda cundee‑sí nùù‑ndà, vàchi nú màsà cuáha‑nda quida‑sì ducán, dandu icúmí‑sî cunu‑sì nùù‑ndà.

SANTIAGO 4:7 ပူးပေါင်းရင်းမြစ်များ

SAN MATEO 11:29

(Quida‑nsia ñà‑ndùá cachíˋ xì‑nsiá) na ian nsidá‑nsiá yugu‑xi quidáchúûn‑nsiá. Daaní, dacuahá stná‑nsià palabra vàha xi, vàchi yùhù, mànì inì, te ndahvi inì, vàtùni ndòo dadí ndiaha anima‑nsià quide.

HECHOS 26:19

’Ñàyùcàndùá, nì quida ndise cumplir nsidaa ñà‑ndùá nì cachi‑yà xìˊ na ní xinì mii‑yá ansivi, señor rey.

HECHOS 9:6

Dandu Saulo, ndé quidí cuisì‑né ñà‑yúhî guâ‑nè, te nì cachi‑nè: ―¿Ndíà nduá cuní‑nî quide, Señor mío? Dandu cachí tu Stoho‑ndà Señor xì‑né: ―Ndacuiìn‑ní, cuahán‑nî ñuu Damasco, te yucán ndacu nuù‑ní nansa quida‑ní ―nì cachi‑yà.

ROMANOS 10:3

Cuní‑nè ndee vàha‑ne nùù‑yá, doco sànì nacuaà‑né modo nì cachi‑yà quida‑ne ducán, te modo xi mii‑né cuní‑nè quida‑neàmà. Ñàyùcàndùá, ducán queá na ian sànì cahíchì ini‑nè ichì mii‑yá.

ROMANOS 14:11

Vàchi ducán cachí stná tutu ìì ndé cáhàn Stoho‑ndà Señor, cachí‑yà: Nicanicuahàn itiácuì, ñàyùcàndùá seguru nduá yohó cachíˋ vichi: icúmí nsidanicuú nèhivì màcuìtasisi‑né nùí, te cachi‑nè (divi Dios nduí).

EFESIOS 4:27

Màsà cuáha‑nda lugar dacà ñà‑malu sàxìnítnùní‑ndà.

EFESIOS 5:21

Nsidaa‑nda, xiñuhu cahvi stnaha‑nda iin‑nda xi inga‑ndà, vàchi nsidaa‑nda, iin‑ni cahvi stná‑ndà mii‑yá.

EFESIOS 6:13

Ñàyùcàndùá, ni cuíchúún‑ndá nsidaa ñà‑ndùú arma nì chitnùní ini Dios chindee xi‑nda na quìvì cuní ñà‑malu tnàtuu fuerte‑si nùù‑ndà. Daaní, nú sànì cundee‑nda (nùù‑sí), vàtùni cundoo fuerte ìì‑ndà.

HEBREOS 12:9

Vàchi yua‑nda ñuhìví yohó, nìsa danáni stná‑nèndó, te nìsa cahvi‑ndané. ¿Amádi chicá ndiá ìcà‑ndà cundoo stná‑ndà sujetu nùù Yua‑nda iá ansivi, te ducán nìhì‑ndà cutiacu ndiaha‑nda?

1 PEDRO 2:13

Sàhà ñà‑nì cúdíì ini Stoho‑ndà Señor sàhà‑ndà, ñàyùcàndùá icúmí‑ndá cunini‑nda nsidaa nècuàchì nihí chuun vehechuún, a ducán nduú‑né ana chicá cusáhnû, te ò nduú‑né nècuàchì cucuáchí, vàchi nècuàchìmà, quidáchúûn‑né cuenta xi nècuàchì chicá cusáhnúmá, te dandohó‑né nsidaa ana có‑quìdá víi. Doco nú quidá víi‑nda, dandu cudiì ini‑nè sàhà‑ndà.

1 PEDRO 5:6

Ñàyùcàndùá, xiñuhu cunihnu ini‑ndà ducán, vàchi ndahà Dios ñuhú nsidaa‑nda, te fuerte‑yà. Dandu después sàà stná iin quìvì quee ndisa tnùñuhu xi‑nda nùù nsidaa nèhivì quida‑ya.