SAN MATEO 5:17 - Mixtec Southern Puebla

¹⁷ ’Màsà cúcáhán‑nsiâ vàxi dacúxíóé ley nì sàha Moisés. Mà dácûxíóé ley mà, ni mà dácûxíó stnáì palabra nì cachi profeta nì sacahàn cuenta xi Dios. Còó, yùhù vàxi sàhà ñà‑nì cùú ndisa nsidaa ñà‑ndùá cachí palabra mà.

SAN MATEO 5:17 ပူးပေါင်းရင်းမြစ်များ

SAN MATEO 3:15

Dandu nì cachi‑yà xì‑né: ―Ducanicoó vichi, vàchi ducán xiñuhu quida‑nda sàhà‑ñá quida ndisa‑nda nsidaa ñà‑ndùá ndiá ìcà‑ndà. Dandu nì candisá Juan, te nì quida iì‑néyà.

SAN MATEO 7:12

’Ñàyùcàndùá, nacua cuní mii‑nsiá quida nèhivì xì‑nsiá, divi ducán quida stná‑nsià xì mii‑né. Vàchi ñà‑jaàn nduá cachí nùù nsidaa tutu nduú ley xi Dios, xì nùù stná tutu nì tiaa profeta nìsa cahàn cuenta xi‑ya.

SAN LUCAS 16:17

’Doco ley (sànaha) ma, nicanicuahàn cundua iin ley vàha; vàchi ni‑iin seña tii xí iin letra xan, mà nunca sàà ndañuhá. Chicá mà úhì ndañuhu ansivi xì ñuhìví, doco ley mà, nicanicuahàn coa.

SAN JUAN 8:5

Te cachí ley xi Moisés ñà‑ìcúmí‑nê cui‑nè xì yùù nú quidá‑né ducán. Doco mii‑ní, ¿nansa cachí‑nî quida‑nda?

HECHOS 18:13

cachí‑te: ―Tiàa yohó, diín nduú modo chináhá‑nè cahvi‑nda Dios, vàchi cunaha‑ní, có‑sâha ley xi‑nda cahvi‑nda Dios nacua cachí mii‑né.

HECHOS 21:28

te nì càna ndee‑té, cachí‑te: ―Mii‑nsiá tè‑raza‑ndà Israel, chindee‑nsiá nsiùhù, vàchi divi tèyòhó nduú tiàa cáhàn guá dìquì‑ndà ñà‑có‑ndiàá raza‑ndà, cachí‑te, ni có‑ndiàá stná ley xi‑nda, te ni có‑ndiàá gà stná veheñùhu yohó, cachí‑te. Te ducán chináhà‑te nèhivì inicutu. Te màdì sàhà cuisì ñà‑jaàn nduá; còó, vàchi nì saca stná‑te iin tè‑raza sìquini nì quìhvi‑tè xì témà veheñùhu yohó. Ñàyùcàndùá, sànì cuchicuehe ñà‑ìì icúmí vehe ìì yohó.

HECHOS 6:13

Yucán nì cana‑ne tètnùhù mà nì tnàtuu‑tè, te nì sanicuàchi‑tè sàhà Esteban, cachí‑te: ―De por sí, tùha quini tè‑jaàn, vàchi quini cáhàn‑te dìquì veheñùhu ìì xì‑ndà, xì dìquì stná ley ìì xì‑ndà.

ROMANOS 10:4

Vàchi cunaha‑nsiá, nú ichì Cristu xiníndísá‑ndá, te ducán sànì ndee vàha‑nda nùù‑yá, dandu còò cá necesidad cunchicùn gà‑ndà ley sànaha.

ROMANOS 3:31

Doco nú cachí‑ndà cuisì cundiaa ñà‑cunihnu vàha ini‑ndàyá, dandu ¿a ducán queá na ian có‑ndiàá gà ley nì sàha‑ya? Còó, màdì ducán nduá. Dècuèndè chicá más icúmí cundiaa ley mà, nú ducán.

ROMANOS 8:4

Ducán, dandu vàtùni quida ndisa‑nda nsidaa ñà‑vàha cachí ley xi‑ya, vàchi có‑ndùlócô gà‑ndà sàhà ñà‑sìquini xího nèhivì ñuhìví, cuisì‑ní ñà‑ndùá cachí Espíritu Ìì xí Dios nduá nihnú ini‑ndà.