SAN MATEO 20:31 - Mixtec Southern Puebla

³¹ Dandu nèhivì cuáhà yucán, nì canàhá‑nè xì nècuàchì cuaá mà: ―Màsà cána ga‑nsià ―cachí‑nè. Doco nècuàchìmà, chicá ndee ní càna‑ne, cachí‑nè: ―¡Stoho‑nsì Señor! ¡Mii‑ní descendencia ìì xí David! ¡Cuhi inì‑ní nsiùhù!

SAN MATEO 20:31 ပူးပေါင်းရင်းမြစ်များ

SAN MATEO 15:23

Doco Jesús, cónì náxícóníhî‑yá nùù nècuàchìmà. Dandu nì catnàtuu nècuàchì dacuahá‑yá, cachí‑nè xì‑yá: ―(Quida‑ní favor xícàn‑nè), dandu taxi‑nínè, vàchi ndé cuñáñá‑nsî ñà‑ndáhì guá‑nè.

SAN MATEO 19:13

Daaní, ndacá nèhivì ñà‑cuati vàxi nùù‑yá ñà‑chitàndòó‑yá ndahà‑yá dìnì‑vé, te càcàn tàhvì‑yá nùù Dios sàhà‑vé. Doco nècuàchì dacuahá‑yá, nì sadi‑nè nùù nècuàchìmà.

SAN MATEO 20:30

Te yuhù ìchí yucán ndoó ùì nècuàchì cuaá. Te na ní tiacu‑nè cuàhàn yàha Jesús, dandu nì quesaha‑né cána ndee‑né, cachí‑nè: ―¡Stoho‑nsì Señor! ¡Mii‑ní descendencia ìì xí David! ¡Cuhi inì‑ní nsiùhù!

SAN MATEO 20:32

Dandu nì cucuiin‑yà, te nì cana‑ya nècuàchì cuaá mà nì cachi‑yà xì‑né: ―¿Ndíà nduá cuní‑nsià quide sàhà‑nsiá?

SAN MATEO 9:27

Na ní quee‑ya lugar mà, dandu yucán nì tenchicùn stná ùì nècuàchì cuaá mii‑yá, cána‑ne, cachí‑nè xì‑yá: ―Mii‑ní descendencia ìì xí David, cundehè ndahví‑nî nsiùhù.

SAN LUCAS 18:39

Doco nèhivì idónuu (nùù nèhivì cuáhà mà), nì canàhá‑nè xì nècuàchì cuaá mà, ni cadí‑nè yuhù‑né cachí nècuàchìmà xì‑né. Doco mii‑né, chicá ndee ní ndàhì‑nè, cachí‑nè: ―¡Mii‑ní descendencia ìì xí David, cuhi inì‑ní yùhù!

COLOSENSES 4:2

Daaní, nsidaa‑nsiá, iin‑ni ni cácàn tàhvì‑nsiá nùù Dios. Màsà nácóó‑nsiá ñà‑jaàn. Te naquimanì stná‑nsià mii‑yá.