SAN MATEO 14:27 - Mixtec Southern Puebla

²⁷ Doco vichi vichi nì cachi‑yà xì‑né: ―Nacuàhandee inì‑nsia, vàchi yùhù nduí. Màsà yúhî‑nsià.

SAN MATEO 14:27 ပူးပေါင်းရင်းမြစ်များ

SAN MATEO 14:28

Dandu nì cachi Pedro xì‑yá: ―Stoho‑nsì Señor, nú divi nduu‑ní, cachì‑ní xìˊ caqui nùù tècuìí sàì ndé vàxi‑ní.

SAN MATEO 17:7

Dandu nì tnàtuu Jesús nùù‑né, te nì chituu‑ya ndahà‑yá ìcà‑né, cachí‑yà: ―Vàtùni ndacuìta‑nsia; màsà yúhî gà‑nsià.

SAN MATEO 28:10

Dandu nì cachi‑yà xì‑né: ―Màsà yúhî‑nsià. Cuahán‑nsià ndé ndoó nèhivì xínduu nahi ñanì, te cachi‑nsià xì‑né ñà‑nì núhù‑nè ndè ladu Galilea, vàchi yucán icúmí‑nê cuni‑nè yùhù.

SAN MATEO 28:5

Doco nì cachi ángel mà xì nècuàchì ñahà mà: ―Màsà yúhî‑nsià. Ináhî nandúcú‑nsiâ Jesús, divi ana nì xìhì nchìca cruz.

SAN MATEO 9:2

Te yucán nì tnàtuu nèhivì nsida‑xi iin nècuàchì cuhí nì dàñà íì cuerpu‑xi, indúhu‑né camilla. Ñàyùcàndùá, na ní xini‑yà ñà‑cuàhà guá xíxinindisá nèhivì yucán mii‑yá, nì cachi‑yà xì nècuàchì cuhí mà: ―Màsà cúhúún inì‑ní, hijo, vàchi yùhù xicáhnû inì sàhà cuàchi‑ní.

SAN MARCOS 6:50

Vàchi nsidaa‑né, nì xini‑nèyà, te nì ndulocó‑nè, yúhî cuàhà‑né. Doco nì càhàn‑yà xì‑né, cachí‑yà: ―Nacuàhandee inì‑nsia, vàchi yùhù nduí; màsà yúhî‑nsià.

SAN LUCAS 1:13

Dandu nì càhàn ángel mà xì‑né, cachí‑nè: ―Màsà yúhî‑nî, Zacarías, vàchi cunaha‑ní, sànì tiacu Dios ñà‑ndùá nì xìcàn tàhvì‑ní nùù‑yá; ñàyùcàndùá, cuàhàn coo iin dèhe‑ní, vàchi cuàhàn coo iin méè xi nècuàchì vehe‑ní Elisabet; méè tiàa cunduu‑ve, te Juan dacúnání‑nsiâvè.

SAN LUCAS 1:30

Dandu cachí ángel mà: ―Màsà yúhî‑nî, María, vàchi ndiaha gá sànì nìhìtáhvì‑ní nùù Dios ñà‑quida‑ya gracia sàhà‑ní.

SAN LUCAS 12:32

’Mii‑nsiá, nahi riì‑xí nduú‑nsiá, te cachíˋ xì‑nsiá, màsà yúhî‑nsià, mate mà túù‑nsiá, vàchi sànì chitnùní ini Yuandiaha‑nsiá ñà‑cundiatú anima‑nsià ndè ñuhìví ìì xí‑yá.

SAN LUCAS 2:10

Dandu nì cachi ángel mà xì‑né: ―Màsà yúhî‑nsià, vàchi cunaha‑nsiá, yohó vàxi nihí iin razón vàha cunini‑nsia, iin razón cudiì ini nsidaa nèhivì ñuhìví nduá.

SAN LUCAS 5:10

Te ducán stná dèhe Zebedeo nani Jacobo xì Juan, cuàhà gá nì ndulocó stná‑nè, vàchi iin‑ni compañeru xínduu‑ne xì Simón nùù chuun xi‑ne. Dandu nì cachi Jesús xì Simón: ―Màsà yúhî‑nî, vàchi quìvì nùù‑xí màdì gá siaca tavà‑ní; nèhivì icúmí‑nî tavà‑ní ñà‑quee‑ne (ichì malu).

SAN JUAN 16:33

Nsidaa ñà‑jaàn sànì cachì xì‑nsiá sàhà‑ñá ni cúndóó‑nsiá contentu ñà‑nìhnú vàha ini‑nsià yùhù. Te mate quídá quíní nèhivì xì‑nsiá na ndoó íì‑nsiá ñuhìví yohó, doco màsà cúhúún ini‑nsià sàhájàn, vàchi yùhù, sànì cundeí nùù nèhivì malu ñuhìví yohó.

SAN JUAN 6:20

Dandu nì cachi‑yà xì‑né: ―Yùhù nduí; màsà yúhî‑nsià.

HECHOS 23:11

Daaní, nì cuñaà quìvì yucán. Dandu nì dàcùní Stoho‑ndà Señor Pablo mii‑yá. Yatni iín‑yá, cáhàn‑yà xì‑né, cachí‑yà: ―Màsà cúhúún inì‑ní, Pablo, vàchi nacua sànì càhàn‑ní sàhí ñuu Jerusalén yohó, ducán icúmí‑nî càhàn stná‑ní sàhí ndè ñuu Roma.