SAN MARCOS 5:34 - Mixtec Southern Puebla

³⁴ Dandu nì cachi‑yà xì‑né: ―Hija, sànì nduvàha‑ní ñà‑nì xinindisa‑ní. Vàtùni nùhù‑ní contentu vichi. Iin‑ni ni cúxíó cuèhè dana nìsa quida xi‑ní.

SAN MARCOS 5:34 ပူးပေါင်းရင်းမြစ်များ

SAN MATEO 9:2

Te yucán nì tnàtuu nèhivì nsida‑xi iin nècuàchì cuhí nì dàñà íì cuerpu‑xi, indúhu‑né camilla. Ñàyùcàndùá, na ní xini‑yà ñà‑cuàhà guá xíxinindisá nèhivì yucán mii‑yá, nì cachi‑yà xì nècuàchì cuhí mà: ―Màsà cúhúún inì‑ní, hijo, vàchi yùhù xicáhnû inì sàhà cuàchi‑ní.

SAN MATEO 9:22

Dandu mii‑yá, nì nacuico‑yá yàtà‑yá, te nì xini‑yà nècuàchì ñahà mà, te nì cachi‑yà xì‑né: ―Màsà cúhúún inì‑ní, hija, vàchi sànì nduvàha‑ní ñà‑nì xinindisa‑ní. Dandu divi momentu mà nì nduvàha nècuàchìmà.

SAN MARCOS 10:52

Dandu nì cachi‑yà xì‑né: ―Cuahán cuéyàà‑ní, vàchi sànì nduvàha‑ní ñà‑nì xinindisa‑ní. Dandu luegu nì natùinuù‑né, te nì tenchicùn stná‑nèyà ichì cuàhàn‑yà.

SAN MARCOS 3:10

Vàchi cuàhà‑né nì dàndúvàha‑ya, ñàyùcàndùá nsidaa nècuàchì cuhí, nì nachitu‑né nùù‑yá, cuní‑nè dacácùhun‑ne ndahà‑né ìcà‑yá, te nduvàha‑ne.

SAN MARCOS 5:29

Te (ñà‑ndáà nduá), luegu nì cucuiìn nìì‑né, te nì cuu ini‑nè sànì nduvàha‑ne cuèhè dana ma.

SAN MARCOS 5:33

Te nècuàchì ñahà mà, ndé quìdí cuisì‑né ñà‑yúhî‑nè, vàchi ináhá‑nê ñà‑ndùá nì cuu xi ini‑nè. Dandu nì tnàtuu‑ne, nì sàcuììn sìsì‑né nùù‑yá, te nì cachi ndàà‑nè xì‑yá nsidaa ñà‑ndùá nì cuu xi‑né.

SAN LUCAS 17:19

Dandu nì cachi‑yà xì tiàa nì naxicocuíìn mà: ―Ndacuiìn‑ní xuhun‑ní vehe‑ní. Vàtùni nì xinindisa‑ní, te ñàyùcàndùá nì nìhì‑ní nì nduvàha‑ní.

SAN LUCAS 18:42

Dandu nì cachi‑yà xì‑né: ―¡Ni ndúvàha nduchìnúù‑ní, cachíˋ xì‑ní! Vàchi ñà‑sànì xinindisa‑ní, ñàyùcàndùá sànì nduvàha‑ní.

SAN LUCAS 7:50

Doco Jesús, nì cachi‑yà xì nècuàchì ñahà mà: ―Sànì càcu‑ní ñà‑nì xinindisa‑ní. Vàtùni cùhùn‑ní, te contentu ni coo‑ní.

SAN LUCAS 8:48

Dandu nì cachi‑yà xì‑né: ―Hija, sànì nduvàha‑ní ñà‑nì xinindisa‑ní. Vàtùni nùhù‑ní vichi, te contentu ni coo‑ní.

HECHOS 14:9

Doco (iin quìvì) na cáhàn Pablo, dandu nì inini stná nècuàchì mà. Te na ní indehè váha Pablo‑nè, nì cundaà ini‑nè xiníndísâ vàha nècuàchìmà, te sàhámà mà úhì nduvàha‑ne.

HECHOS 15:33

Daaní, yucán nì candòo Judas xi Silas itnii gá quìvì, dandu nì ndaquìndèè stnahá‑né, te nì naquimanì váha stnahá‑né, cuàhàn‑nè quihin‑ne ichì nùhù‑nè.

HECHOS 16:36

Ñàyùcàndùá, nècuàchì ndiàá xì vehecàa ma, ducán nì cachitnùhu‑ne xì Pablo, cachí‑nè: ―Sànì dàndàcú juez dàñà‑nsiá: sà‑ìá caquee‑nsia libre, cachí‑nè. Ñàyùcàndùá, màsà nácání gá inì‑nsia, vàchi vàtùni quee‑nsia cùhùn‑nsià ―nì cachi‑nè.

SANTIAGO 2:16

Daaní, ni cachí‑ndà iá stná iin compañeru‑ndà nì cachi xì nècuàchì ndahví mà: “Vàtùni cùhùn‑ní; ni sáà‑ní nadaà inì‑ní, te ni sáà stná‑ní chitu tìxi‑ní”, cachí‑nè. Doco nú có‑sâha‑ne nècuàchìmà ni‑iin ñà‑cutiacu‑nè, amádi uun‑ni queámà.