SAN MARCOS 5:19 - Mixtec Southern Puebla

¹⁹ Doco cónì sáha‑ya cùhùn‑nè: ―Còó ―cachí‑yà―, xuhun‑ní vehe‑ni, te cachitnùhu‑ní xì tnaha‑ní ñà‑cuàhà guá nì quida Stohò‑ní Dios xì‑ní, te nì cuhi ini‑yà mii‑ní.

SAN MARCOS 5:19 ပူးပေါင်းရင်းမြစ်များ

SAN MARCOS 5:20

Ñàyùcàndùá, nì quee tiàa ma cuàhàn‑nè inicutu ladu mà nani Decápolis, nì cachitnùhu‑ne ñà‑ndiaha guá nì quida Jesús xì‑né. Te nsidaa nèhivì yucán, nì ndulocó‑nè.

SAN LUCAS 8:39

―Xuhun‑ní vehe‑ní, te nacani nchihì‑ní nsidaa favor nì quida Dios xì‑ní ―nì cachi‑yà. Ñàyùcàndùá, mànuhù nècuàchìmà ñuu‑nè yucán, te inii ní xìcanuu‑ne nacání‑né xì nèhivì nansa (nì nduvàha‑ne) nì quida Jesús.

SAN JUAN 4:29

―Naha‑nsià cúhùn‑ndà cundehè‑nsiá iin tiàa iá yucán, vàchi nì nacani‑ne xìˊ nsidaa ñà‑ndùá nì quide vida xi. ¿Amádi mii‑yá nduú Cristu (ndiatu‑nda)?